Hindi pa rin tapos ang mga imbestigador sa school, mukhang matatagalan pa sila do'n kaya umuwi na kami para makapagpahinga. Pasado alas diyes na ng gabi nang makarating kami sa Villa. Binuhat ni Emman ang kapatid nito patungong sala pero pinaakyat ko sila sa bakanteng silid para doon muna sila makapagpahinga. Naroon sina mama at papa sa sala, nanonood ng balita sa TV kaya nakinuod muna kami saglit. Nasa news na ngayon ang maraming bangkay na nahukay sa campus. Binalita rin no'ng pulis na bigotilyo na may dalawang built-in camera daw na nakatutok sa kama kung saan diumano ginaganap ang pang-aabuso sa kababaihan.
"Ano daw? Nirerecord pa ng mga walanghiya ang kahalayang ginagawa nila?" Nanginginig ang mga kalamnan ko sa galit. Mga hayop sila!
"Iyan ang sinasabi ko sa'yo kanina, Arlene. May
