Break time, nakaupo ulit ako sa favorite spot ko sa garden, naka-indian sit sa damuhan at nakatingin sa Old Building. Pasimpleng kumaway ulit ako kay Monique mula sa malayo, gumanti naman siya ng kaway. Naka-lock pa rin ang main door at exit door ng building.
Nilinga-linga ko ang kabuuan ng school. "Nasaan kaya ang red tourmaline dito? May way kaya para mahanap ko' yon ng mabilis?"
"Arlene."
Nilingon ko ang tumawag sa akin. Si Gio. "Ang walanghiya. Kasabwat din ng kulto. Malaman ko lang na ikaw din ang pumatay kay Monique, yari ka sa akin." Bulong ko sa sarili ko.
Umupo siya sa tabi ko, pero may konting distansya. "Kamusta? Wala ka yata sa school no'ng may nangyaring nakawan dito."
Kailangan kong magpakabait sa harap nito. Iimbestigahan ko ang lalakeng 'to. "Ah. Oo nga, tinanong din a
