"Hello, ma'am, flowers for you."
"Sa akin?" tanong niya sa security guard na lumapit. May dala itong napakaganda at sigurado siyang mamahaling bulaklak. "Kanino daw galing?"
"May card pong kasama. Baka nand'yan po nakalagay kung kanino galing."
Kaagad naman niyang tinanggap ang bulaklak. Kung makikita ng Tiya Ghing niya na tumatanggap na siya ng manliligaw ay tiyak na sermon na naman ang aabutin niya. Kahapon lang ay may nagpadala ng tsokolate na nakalagay sa isang mamahaling box. Galing iyon kay Reynold na ilang beses niya nang tinanggihan ng paanyaya. Panay din ang dating ng pagkain sa table niya kapag hindi siya bumababa sa cafeteria para mag-meryenda.
Gayunman ay isang atensyon lang ang hinahangad niya sana. Dalawang araw nawala si Renzo na kahit man lang isang 'hi' ay wala siyang
