CHAPTER 53
ALINA TESORO
“ALAM KONG HINDI ako naging mabuting biyenan sayo, Yna. at kahit anong paghingi ko ng tawad ay hindi noon mapapalitan ang lahat ng nagawa ko sayo. Pero paulit-ulit ko itong gagawin kahit magsawa ka pa o mainis sa akin,” patuloy ni Mommy bago isang hikbi ang narinig ko. “Siguro itong nangyari sa akin ay karma na rin sa lahat ng ginawa kong kasalanan. Kabayaran sa lahat ng pananakit at pagsira ko sa buhay mo.”
Ito ang pangalawang beses naming nagkaharap mula ng mahiwalay kami ng anak niya. Galit ako kay Mommy at sa mga ginawa niya sa akin noon, pero ni minsan ay hindi ko siya kinamuhian at ipinagdasal na maghirap ng ganito. Inatake si Mommy ilang buwan matapos naming umalis ng manila at ngayon ay kalahati ng katawan niya ay paralisado na. Kahit gaano karami
