Isinaklob ko ang unan sa’king mukha nang malakas na tumunog ang alarm clock ng telepono. Umungol ako dahil naaabala ang tulog ko.
Inilahad ko ang kaliwang kamay ko sa may nightstand para abutin ang aking telepono.
Napilitan akong imulat ang mga mata ko at saka umupo sa may ibabaw ng malambot na kutson ng kama ng ‘di ko makapa ang telepono roon.
Hindi ko makita kaya tuluyan akong tumayo sa kama at saka sinimulang hanapin ang aking telepono.
Inihagis ko ang unan nang damputin ko iyon mula sa ibabaw ng kama kung kaya nakita ko ang telepono sa ilalim niyon.
Nakahinga naman ako ng maluwang nang makita ito. Akala ko kasi’y nasa ibang silid ito nag-iingay. Char!
Hindi ako makatulog nang maayos kagabi dahil naiisip ko ang hiling sa akin ni mommy.
Ang kahilingan niyang pakasalan ko si S
