"Get well soon!"
Natanggap kong mensahe sa isang numero na hindi pamilyar. Ibinaba ko na lamang ang aking cellphone sa gilid ng aking kama at inayos ang aking kumot.
Nanginginig ang aking katawan at ramdam ko ang init na lumalabas sa aking mata at katawan. Ngayon pa talaga ako nagkalagnat eh huling araw na ng klase sa linggong ito.
"Anak, kung nagugutom ka may pagkain sa kusina. Aalis na kami ng papa mo at ang kuya mo naman ay pumasok na. Magpagaling ka ha may gamot na rin sa taas ng ref." Narinig kong sambit ni mama mula sa labas ng aking kwarto. Hindi na lang ako sumagot kay mama.
Kahit na nakahiga ako sa aking kama, nanumbalik lahat na pinag-usapan namin ni Karldrick kagabi. Hindi ako makapaniwala sa kanyang mga sinabi. Lahat ng mga bagay na gusto kong marinig mula sa kanya noon ay
