SA HALIP na isipin ni Izaria ang naging ugnayan ni Rainan sa dati nitong kasintahan ay nilibang na lamang ang sarili. Niyaya niya ang nobyo na bumalik sa kinaroroonan nina Mark at Virna. Naabutan nila ang dalawa na umaakyat sa puno ng lansones.
Mababa lang naman kasi ito pero mas gusto ng mga ito na ma-challenge habang namimitas ng mga bunga.
“Oh! Nandiyan na pala kayo. Umakyat na rin kayo para marami tayong maiuuwi,” pansin ni Mark sa kanila.
Ngumiti naman siya na sumulyap sa nobyo. Napangiti ito sa kaniya.
“Ano, aakyat ba tayo?” tanong niya kay Rainan.
“Ikaw, kaya mo ba?” balik-tanong nito sa kaniya.
Saglit siyang napaisip, pagkuwa’y tumango siya. “Oo naman!”
“Talaga ha? Sige nga mauna ka, doon sa rambutan tayo.”
“Okay! Pero mauna ka na,” utos nito sa nobyo.
“Lady’s first.”
“Ma
