LABIS na dinamdam ni Izaria ang huling pagkikita nila ni Rainan. Hindi niya inakalang hahayaan lang pala siya nito at ayaw niyang maniwala na nakalimutan siya. Ni hindi man lang niya narinig na mahal pa siya nito.
Naninikip ang dibdib niya habang iniisip na hindi siya ang pinili ni Rainan na pakasalan at makasama habambuhay. She felt the total rejection form Rainan. Umiinit ang mga luhang lumalandas sa mukha niya.
Magkatabi sila ni Shelly sa back seat habang si Ivan ang nagmamaneho. Pauwi na sila. Malungkot ang mga kaibigan niya sa nangyari sa kaniya at hinayaan muna siya ng mga ito na ilabas ang sama ng loob niya.
“Sinadya man niya o hindi na puntahan ka sa lugar na iyon, baka talagang tadhana na ang nagsasabi na hindi kayo ang nababagay. Sana hindi na kita iniwan kanina para nasamahan
