FIFTEEN YEARS OLD si James Salgado nang ibenta niya ang kaluluwa niya sa demonyo para masiguro na hindi mawawala sa kaniya ang kapatid na si Martin. Sa isip niya nang gabing iyon na bumabagyo, wala naman talagang mawawala sa kaniya kung tutuusin. Shithole din naman ang buhay niya mula pa noong bata siya.
Ayos lang sana kahit na nakatira sila sa squatter’s area at napapalibutan ng basura at mga halang ang kaluluwa. Kaso minalas pa silang lalo na magkapatid kasi nagkaroon sila ng mga magulang na pabaya, mabisyo at nananakit. Nagka-isip si James na palagi siyang gutom kasi nakakalimutan ng mga magulang niyang pakainin sila ni Martin. Kaya sa edad na lima natuto siya mamalimos para sa kanila ng kapatid niya.
Sa edad na sampu, dahil pareho na sila pumapasok sa elementary ng kapatid niya
