ALAS-DIYES na rin ng gabi nang nakarating kami sa Mindoro. May masasakyan pa naman ako pero naisip ko kung paano si Lorraine. May van pa naman pero hindi raw madaraanan ang sa kanila dahil hindi tabing highway ang bahay ng mga lola niya. Sabi pa niya ay magpapasundo na lang daw siya pero may isa pa siyang inimungkahi sa akin.
"Tara na, sa inyo kaya muna ako. Sabi ko kasi kina lola na bukas pa ako pupunta dahil makikitulog ako sa... Kaibigan ko!" nakangiti niyang sinabi sa akin.
"S-sa amin? Naku... N-nakakahiya naman. Maliit lang ang bahay namin at pangit pa..." sabi ko naman.
"Gusto mo bang umuwi ako mag-isa? Gabi pa naman..." pasaring pa niya sa akin.
"S-s'yempre hindi..." munti kong tugon.
"Siya... Tara na. Gusto ko ring makilala ang pamilya mo," nakangiti niyang sinabi sa akin. Sab
