ISANG linggo ang lumipas, habang ako ay naglalakad sa hallway ng campus ay bigla kong nakita si Andrew na nakaakbay kay Lorraine habang dala-dala nito ang bulaklak na mukhang bigay sa kanya. Nakaramdam agad ako ng tila tinik sa puso ko. Sinulyapan ko pa sila at mas nasaktan ako sa aking nakita. Nakangiti si Lorraine na tila masaya na kasama si Lawton.
Hindi nga niya ako napansin, hanggang sa lumungkot na ang araw ko. Parang kailan lang nga ay magkasama pa kami pero bakit ngayon... Parang panaginip lang ba talaga ang lahat? Nagising na ba ako?
"Aasa pa ba ako? Imposible nga kasi. Naaawa lang siya sa akin..." bulong ko sa aking sarili.
May mga bagay talaga na hindi pwede. Halimbawa na lang ang sa amin ni Lorraine. Hanggang kaibigan na nga lang siguro kami. Siguro ay ito na ang kapalaran k
