DAHIL sa nangyaring iyon, hindi ko na nagawang makapasok sa huli kong subjects. Hirap na hirap ako sa pagtayo kaya nagpalipas na lang ako ng oras hanggang gumabi sa likod ng gym. Sobrang sakit din ng katawan ko.
Hindi ko akalaing mangyayari ito sa akin.
"Wala na nga yata akong pag-asa kay Lorraine," sambit ko.
Kinabukasan, pumasok akong puro pasa ang braso at mukha. Medyo masakit pa rin ang katawan ko dahil sa ginawa nilang pagsipa sa akin kahapon.
"Pare, ano ba talagang nangyari sa 'yo?" tanong ni Lebron sa akin.
"Wala ito... Nadulas lang ako," palusot ko habang natatawa.
"Pare, seryoso... May nambugbog ba sa 'yo?" usisa naman ni Dwayne.
"Hindi nga pare, sino ba ang bubugbog sa 'kin? Wala naman 'di ba? Takot na lang nila sa mukha kong ito," palusot kong muli. Pero hindi pa rin sila
