“Ano!?” naguguluhan kong tanong sa kaniya.
Masuyong humaplos ang daliri niya sa’king pisngi. “Alam kong hindi ko kayang higitan si CJ sa’yo dahil iba ang galing niya kumpara sa’kin.”
“Ano ba ‘yang pinagsasasabi mo, JC?” lalo akong naguguluhan sa kaniyang mga ipinapahayag.
Kinuha niya ang hawak kong buko saka inilapag iyon sa buhanginan. Muli siyang humarap sa’kin saka masuyong kinabig ako payakap sa kaniyang katawan.
“Noon pa man ay ayoko nang ituring kang kapatid, Stella.”
“Malamang! Kaaway mo ako, e!”
Pagak na tumawa siya sabay hagod ng kaniyang kamay sa’king buhok. “Gusto ko ng mamatay sa sobrang inggit kay CJ dahil mas lamang ang atensyon na ibinibigay mo sa kaniya. Kung minsan nahiling ko na rin sa kaniya na sana ako na lang siya para makita mo rin ako bilang si JC.”
Nagsalu
