HINDI pa ako makapaniwala na si Gareth nga ang nasa harapan ko. Akala ko pa noong una ay namamalikmata lamang ako hanggang sa magsalita si Isaiah.
“Boss, nabaril siya. Hindi namin sinasadya.” Ang kaninang maiingay na lalaki ay ngayon tahimik na at akala mo’y nakasalalay sa kanilang mga sasabihin ang kanilang buhay.
Pansin ko ang paggalaw ng Adam’s apple ni Tomas. Halata mong kinakabahan ito nang sobra.
Nanatili ang tingin ni Gareth sa aking mukha na gulantang pa rin sa pagpapakita niya. Yes, I was mad at him—hanggang ngayon! Pero alam ko rin na one-sided ang mga opinyon ko noon dahil immature ako sa mga bagay-bagay at sensitibo pa dahil sa pagbubuntis. Bukod pa roon, hindi niya magawang ipaliwanag sa akin ang mga nangyari kung bakit sila magkatabi ni Miranda!
Ayan! Naalala ko na naman
