GUSTONG-GUSTO ni Soleil na pumunta kami sa opisina ng kanyang daddy. Tumawag muna ako kay Gareth kung pwede ba kaming bumisita at pumayag naman siya. Bago ang lahat, dumaan kami sa bahay nina Tita Brie dahil gusto ring dumalaw ni Soleil sa kanila.
“Lala!” sigaw ni Sol bago tumakbo papunta sa kanyang lola na nakaupo sa sofa sa living room. Naroroon din ang kanyang lolo na siya rin naman binati at niyakap ng bata.
“Hello, Soleil! Na-miss ka ni Lala,” sabi ni Tita Brie.
Hindi ako gumalaw sa kinaroroonan ko at pinagmasdan lang sila sa malayo. Napapangiti ako habang pinapanood sila.
“Sinong kasama mo papunta rito, huh?” tanong naman ni Tito Gio kay Sol.
“Mommy!” sigaw ni Soleil bago ako ituro. Napatayo tuloy ako nang tuwid lalo na nang makita ko sina Tita na tumingin sa direksyon ko.
Napa
