Chapter 43
Isang linggo na ang nakakaraan simula ng lumipat kami ni Kenn dito sa bahay na ibinigay ng kanyang mga magulang. Maayos naman ang aming pagsasama sa iisang bubong. Siya ang taga luto sa umaga at gabi dahil kapag tanghali ay sa Glennford kami kumakain.
"Bilisan mo naman Kenn…malelate na tayo." Pagmamadali ko sa kanya. Nasa loob pa kasi siya ng banyo at kanina pa ako nakabihis. Biyernes ngayon at may tatlo kaming long quiz na tatahakin. Ilang saglit pa ay lumabas na rin siyang nakatapis lang twalya. Tumambad sa aking paningin ang kanyang napakaganda at maputing katawan na may apat na abs. Hindi ko maiwasang mapalunok dahil sa aking nakikita.
"Enjoying the view?" Bigla niyang tanong na nagpabalik sa aking ulirat.
"Magbihis ka na nga! May tatlo tayong quiz na haharapin ngayon."
