Isang bahay na gawa sa lupa ang sumalubong kay Palu. Hindi niya inaasahan na may ganoong bahay na siyang magkakaroon doon sa bundok Hilaya. Hindi niya alam kung pinapahanga kang siya ng diwatang lalaki, o talagang gusto talaga nito siya handugan ng ganoon? Anoman ang rason nito, wala na siyang magagawa. Gustuhin man niya o hindi, wala na rin siyang takas mula sa nilalang. Ang dapat na lamang niyang gawin ay ang yakapin ang panibagong yugto ng buhay na ibinigay sa kanya.
"Ito na ang magiging tahanan ninyo ng inyong anak simula sa gabing ito. Pupunta lamang ako rito kapag gusto kitang makita at makausap. Sana maliwanag na sa ating dalawa kung ano ang pinagkasunduan natin," ani ng diwatang lalaki habang malapad ang ngiti sa mga labi.
Humigpit ang pagkakayakap ni Palu sa kanyang anak na si
