Nang matapos kaming um-order ay dumiretso na kami agad patungo sa condo ni Julian. Ang tahimik ng lahat. May kani-kaniyang iniisip habang nasa byahe.
Nagmasid pa sina Julian at Tiago kung may nakasunod sa amin, pero natiyak nilang wala naman kaya ipinasok na nito ang sasakyan sa parking lot ng condo.
Umakyat kami sa unit ni Julian. Napa-wow si Ara sa ganda ng interior ng unit. "Ang ganda naman dito. Panigurado mahal ang units ng condo na 'to. Nasa prime area at malapit sa airport."
"May kamahalan pero sulit. Narito lahat ng kailangan ko sa area. Malapit din sa headquarters," sagot ni Julian habang hinuhubad ang suot na jacket. "Feel at home. Treat it as yours."
"Thank you, Julian. Oo nga pala, Besh, ano ang plano mo sa unit mo?" tanong ni Ara. "Hindi ka na pwedeng manatili pa roon. De
