Hindi makaidlip si Janine kahit anong pilit niya. Alas kwatro pa lang ng hapon at si Patrick ay nasa balkonahe na tila nagtatrabaho dahil nasa ibabaw ng mesa ang laptop nito. Gustong-gusto niya nang umuwi. Makakalaro sana niya ang anak kapag ganitong maaga siyang natapos sa trabaho. Bukas ay sa Speedy Courier naman ang punta niya na kailangan din niyang puntahan.
Sayang ang inilalagi niya sa condo ni Patrick na wala namang ibang gusto kung hindi ang gamitin siya kapalit ni Jane. Hindi nga siguro niya maitatanggi ang damdamin niya kay Patrick, pero maliwanag pa sa sikat ng araw na hindi siya dapat narito.
Ramdam niya kaagad ang masakit na katawan nang pinilit niyang bumangon. Dahan-dahan lang ang hakbang niya nang hindi siya makagawa ng ingay. Pagdating sa banyo ay kaagad siyang naghilamo
