"Misis ko."
Parang paulit-ulit na nagri-replay sa utak ko ang mga huling katagang sinabi niya. Pero mabilis pa sa alas kwatro nang itulak ko siya dahil naalala kong nasa labas lang si Hillary. Paano nalang kung biglang pumunta 'yon dito at makita kami sa posisyon namin? Pakiramdam ko ay sinisilaban ang mukha ko sa hiya.
Nakita ko ang pagkabigla sa mukha ni Magnus nang itulak ko siya ngunit nakabawi rin agad. Nagtangka siyang lumapit sa akin ngunit umatras ako.
"Hep! Diyan ka lang. Hanggang diyan ka lang sa linyang 'yan. Huwag na huwag kang lalampas d'yan." Turo ko sa linya ng tiles. Dalawang beses ko pang inapak-apakan ang linya para makita niya. Ngunit tila wala siyang narinig. Binalewala niya ang sinabi ko at 'di man lang tinapunan ng tingin 'yung sinasabi kong linya.
"Bakit?" Aniy
