Six years later
Singapore
Walang humpay na pagtunog ng cellphone ang humugot sa akin mula sa mahimbing na pagtulog. Tumagilid ako ng higa at walang buhay na kinapa ang nag-iingay na cellphone sa ibabaw ng side table. Bahagya kong iminulat ang aking mahahapding mata dala ng puyat para tingnan kung sino ang istorbong tumatawag.
"Goodmorning, love!" Nakangiti kong bati rito nang makita ang pangalan niya sa screen. Si Howard.
"Goodmorning," balik bati niya sa kabilang linya.
"Oh, bakit walang love?" May bahid tampong tanong ko. Pero ang totoo, gusto ko lang siyang inisin. Sa loob ng anim na taon na lumipas, ito na ang tawagan namin. Minsan naiirita siya, minsan naman game na game lalo na kapag bumibisita siya rito sa Singapore tapos may umaali-aligid sa akin.
"Alexa, ang aga-aga lumaland
