"Alexa, sige na, tanggapin niyo na ako rito," pagmamakaawa ni Mahara sa akin. Ibinaba ko ang sampalok na candy na kinakain ko at saka nag-angat sa kanya ng tingin. Nakita ko kung paano mangasim ang itsura niya habang nakatingin sa akin na kumakain ng sampalok ng ganito kaaga.
"Kung sa akin, approved na approved ka na. Over qualified ka pa nga, eh. Kausapin mo 'yang si Magnus, siya ang boss dito," aniko sabay nguso sa asawa ko na kasalukuyang nagche-check ng mga bagong deliver na kahoy.
May mga bagong dating kasi na supply ng narra, gmelina, molave, kamagong, yakkal at mahogany. Mga pinakamatigas at pinakamatibay na kahoy dito sa Pilipinas na inaangkat pa niya sa mga suppliers sa mga karatig probinsya. Mayroon na rin kaming stock ng kawayan na isinu-supply sa'min ng isa sa mga pinakama
