Medyo mainit na ang sinag ng araw nang buksan ni Yumi ang kurtina ng kwarto, kinabukasan ng umaga. Bumalik ito sa bed at niyakap ang gising na rin ngunit nakahiga pa na si Jake. Hinalikan niya ito sa labi at naglalambing na kinuha ang braso para iyakap sa kanya.
Tinitigan siya ng lalaki. Nakatingala siya dito na lumabi. Mugto pa rin ang mga mata nito. Hinimas niya ng hinlalake ang mukha nito. Kumilos naman ito at yumuko pa para abutin ang mukha ng babae. Masuyo siyang hinalikan ni Jake sa mga labi, matagal.
“Today is the day that we’ve been waiting for , mahal ko,” saad nito ngunit may tamlay ang pagkakasabi noon. Mahigpit nitong niyakap si Yumi.
“Yes love, but do you think mas better kung ipo-postpone muna natin ang kasal?…” Mabilis na pinutol ng lalaki ang iba niya pang sasabihin.
