Medyo nagulantang sila sa narinig mula sa likuran. Sabay sabay nilang nilingon kung sino iyon. Bahagya silang napaatras ng makitang nandoon si Luis Vergara kasama ang isang katerba nitong mga tauhan.
Mabilis ang mga kamay naman na naglabas ng baril sila Bogs at Gil.
“Seriously? Anong panama ng mga iyan sa mga dala namin!” natatawa itong pinagpalit palitan ang tingin sa dalawang lalaki at kay Jake.
Sumenyas si Jake sa dalawa na ibaba na ang mga baril. Nilingon si Yumi at pinapunta ito bandang likuran. Sumunod naman ang mga ito.
“So… Ikaw pala si Jake Dela Vega,” humakbang ito papalapit sa kanila. May sukbit itong baril sa tagiliran. “Matagal na namin kayong hinahanap, nandito lang pala kayo sa pipitsuging lugar na ito!”
Makailang beses na napaatras sila kasama ang pastor na takot din
