THIRD PERSON
Bahagyang kumunot ang noo ni Luis nang marinig niya ang malakas na tunog ng kanyang alarm clock. Nananatiling nakapikit ang kanyang mga mata dahil inaantok pa siya.
Umusog-usog si Luis sa ibabaw ng kama. Kumapa-kapa hanggang sa mahawakan niya ang gilid ng bedside table.
Kinapa-kapa ni Luis ang ibabaw ng bedside table at hinahanap ng kanyang kaliwang kamay ang alarm clock na patuloy sa pagtunog.
Hanggang sa makapa na ni Luis ang alarm clock. May pinindot siya doon at namatay ang malakas na tunog.
Binitawan ni Luis ang alarm clock saka umayos sa pagkakahiga sa ibabaw ng kama. Dumidiin ang pagpikit ng kanyang mga mata. Gusto pa niyang matulog.
Ngunit tuluyan nang nagising ang diwa ni Luis at hindi na siya dinalaw pa ng antok. Dahan-dahan niyang idinilat ang kanyang mga mata
