‘So, may boyfriend na pala siya,’ na-conclude agad ni Trevor habang pasulyap-sulyap kay Jesse at sa kasama nitong lalaking likod lang ang nakikita niya.
Nagkukuwento sa kanya si Susan ng tungkol sa project na gustong gawin dito sa Pilipinas para sa BPO company na itatayo nito. Bilang arkitekto ay humihingi ito ng advice sa kanya at kung gusto ba niyang gawin ang proyekto nito.
Kilala na nila ang isa’t isa nang dalawang taon kaya medyo malapit ito sa kanya. Pinsan kasi ito ng boss niya sa Australia.
Pasilip-silip siya nang bahagya para makita ang hitsura ng lalaking kasama ni Jesse. Pero dahil sa likod nito ang nakaharap sa kanya ay hindi niya pa rin iyon makita. Base sa malapad nitong likod at tindig, mukhang magandang lalaki ang nobyo nito. Alangan namang pangit ang type ng kagaya ni
