Dahang-dahang iminumulat ni Samara ang kanyang mga mata dahil sa dalawang boses na kanyang naririnig na malapit lang sa pwesto nya. Lagi nyang naririnig ang isang boses na tinatawag sya sa pangalan na hindi nya alam kung sa kanya at ang boses na ‘yun ay may kausap na ibang boses ngayon. Pakiramdam ni Samara ay galing sya sa panaginip na ngayon nya lang nagustuhang gumising dahil sa isang boses na laging tumatawag sa pangalang hindi nya kilala.
Nang naimulat nya na maayos ang kanyang mga mata ay natagpuan nya ang sarili sa isang hindi pamilyar na kwarto pero pamilyar ang amoy sa kanya. Iniikot ni Samara ang kanyang paningin ng tumigil ito sa dalawang bulto ng tao na nakatayo malapit sa kanya na kita nyang seryosong nag-uusap. Hindi nya maisip kung kilala nya ang dalawang ito dahil hindi
