"Saan ang punta mo?" tanong ng Tito Eman niya nang paalis na sila sa opisina. Nasa bahay pa rin niya ang Tita Menchie niya dahil hindi niya na pinayagan na umalis. Dadalaw ngayon doon ang Tito Eman niya pero may lakad pa siyang iba. Sila ni Suzette.
"D'yan lang sa tabi-tabi." Isang pilit na ngiti ang pinakawalan niya. Gusto niyang mawala sa sistema niya si Sahara kaya't nang yayain siya ni Suzette na lumabas ay hindi na siya tumanggi. Nakipag-break ito sa boyfriend kahapon lang at ngayon ay nagyayaya ulit itong magpunta sa club para uminom.
"Is it a date?"
"No." Marahan siyang umiling.
"Sino ba ang kasama mo?"
"Suzette."
"Whoah! Akala ko ba'y hindi kayo nagkabalikan?"
"Hindi nga," nakangiti niyang wika. Sa loob ng dalawang taon ay sanay na yata sila ni Suzette sa on and
