"Sahara!" tawag sa kanya ni Wesley nang tuloy-tuloy siyang lumabas sa club. Ka-o-order pa lang nila ng inumin nang mapansin niyang may nakatingin sa kanya at matuklasang si Matteo iyon. Kung paano siya natuwa noong una, ganoon rin ang sakit na nadama niya nang makita itong halos idikit ang sarili sa kasama at sa huli ay hinalikan.
Akala niya'y may lihim silang unawaan ni Matteo. Akala niya'y mahal siya nito. Na kahit may lihim ang nakaraan nila na kailangan pa niyang tuklasin, nagkakaintindihan sila na mahal nila ang isa't isa.
Mali pala. Siya lang pala talaga ang nagmamahal.
"Where are you going?"
"I'm sorry, Wesley, sumama ang pakiramdam ko," pagdadahilan niya sa kaibigan pero hindi niya naitago ang mukhang puno na ng luha. Pinahid niya iyon ng dalawang kamay at sinikap na h
