Nagising si Matteo kinabukasan na masakit ang ulo. Wala siyang matandaan kung paano siyang nakauwi kagabi. Ang huling alaala niya'y umiinom pa sila ni Suzette sa Zen Club at nilulunod niya ang sarili sa alak para makalimutan niya ang sakit. Sakit dahil nasaktan niya si Sahara.
Nagtuloy siya sa banyo para maligo pagkatapos ay mabilis na nagbihis. Alas nueve na ng umaga. Mabuti na lang na wala siyang meeting sa ngayon, kung hindi ay mapapahiya pa siya sa kausap. Bumaba siya sa komedor para lagyan ng kape ang sikmura.
"Matteo!" nagulat siya nang makitang naroon si Suzette kasama ang Tita Menchie at Tito Eman niya. Nagkakape rin ang mga ito at may nakahandang almusal sa mesa.
"Good morning. What are you doing here this early?" mahinahon niyang tanong sa dating kasintahan.
"Ano ka ba nam
