Kausap ni Matteo si Punzalan tungkol sa update ng operasyon ng La Guardia nang lumabas mula sa banyo si Sahara. Lumayo siya para hindi marinig ang pakikipag-usap niya sa mahalagang bagay na may kinalaman sa kumpanya ng kasintahan.
"Dalawa kaagad ang kargamentong binabalak na paratingin ng grupo ni Monson, Matteo. Matagal ding walang aktibidad ang grupo kaya't agresibo sila ngayon."
"Masasangkot pa ba ang Del Rio Manufacturing?"
"Yes. Sila ang magiging front. Palalabasin na mga canned goods ang shipment pero ang totoo'y mga droga iyon. May isa pang mahalagang impormasyon akong nakalap, Matteo."
"Ano 'yun?"
"Nag-iwan si Sahara Del Rio ng Special Power of Attorney na nagtatalaga kay Wesley Monson bilang acting CEO. It's indefinite."
Nahinuha niyang kaya iyon ginawa ni Sahara ay
