SKY
The next morning, I woke up early and did my routine like yesterday. Siguro ang pagkuha ng tubig sa umaga ang magiging daily routine ko na.
Kumuha ako ng tubig sa ilog na gamit ang mas malaking drum. Nagbungkal ako ng lupa na may weights pa rin sa braso at ngayon ay nasa binti na rin. Palagi akong may bantay kaya hindi ako makakatakas kung gusto ko. Wala rin naman akong balak kaya buong puso ko itong ginawa.
Naging mas malapit kami ni Marie at minsan ay tinutulungan niya ako sa pag-intindi ng mga bagay na nasa paligid. Madaldal siya habang nagtatrabaho ako, kaya marami na rin akong nalaman.
“Sky, tama na iyan. Kumain ka na dahil mamaya ay sila Clara at Wilma ang makakaharap mo.” Si Tita Leona pala na nauna na namang umuwi.
“Yes! Uwi na po tayo!” puno ng galak na sabi ni Marie.
