حواديت الست نور

الجزء الثالث

هو كبر إمتى؟! كان يادوب لسه بيزحف! إزاي بقى ناضج بالشكل ده؟ هو أنا اتجاهلته هو وأمه للدرجادي؟! منكرش إني رميت عليها الحمل وسبتلها مسؤولية تربيته بحجة إني بشقى وبشتغل..دايمًا كنت أقولها إنتِ شغلتك تربي وتكبري وتعلمي، أنا مليش دعوة ده ابنك! شغلتي أصرف عليكوا بس.

نسيت إن الحياة مشاركة، نسيت إنه ابني زي ما هو ابنها، نسيت إن واجب عليا أساعدها في تربيته، نسيت إني المفروض أخده معايا المسجد كل فرض وأحفظه القرآن...نسيت حاجات كتيرة أوي، بس هيا عرفت تربي، هيا ربت صح.

فوقت على صوت مؤيد

_متزعلش يا بابا ممكن قلبك يبقى أبيض زيي أنا وماما وربنا يحبك تاني.

=بجد يا مؤيد؟

_بجد يا بابا، يلا عشان ندخل الجنة مع بعض..قوم دلوقتي اتوضى وصلي ركعتين توبة واستغفر ربنا، وكل ما تصلي فرض هنمسح نقطة سودا من قلبك لحد ما يرجع أبيض خالص.

حضنته وعيطت..عيطت على نفسي وعلى إهمالي ليه، براءته أبهرتني! هو قدر يعمل إللي محدش عرف يعمله، ناس كتير حاولت تنصحني وترجعني لطريق ربنا، وأولهم زوجتي.. بس مكنتش بستجيب، جه ابني أبو ست سنين ورجعني لربنا.

_متعيطش يا بابا ربنا هيحبك.

=مين علمك كل ده؟

_ماما.

=طب قول لماما بابا بيتوضى وجاي يصلي بينا جماعة.

"اللهم أخرج من أصلابنا ذرية يعبدونك".

((((((اجمل اقداااري )))))

- أنت ياض شُفت الصاروخ الي واقفه هناك دي .

=محمد أحنا هنشتغل ولا هنكراش وبعدين إتأدب أنا أخوك!

-ألحق دي جايا علينا ..شكلي حلو؟ شعر متسرح؟ البرفان ريحته حلوة ؟ حواجبي متسرحة ؟ هدومي مكويه ؟ كله تمام أنا قمر صح ...سيبلي أنا بقى الطلعة دي!

=يا ولي الصابرين، محمد أنا هرفدك من الشغل لو فضل..

- لو سمحت عندي مقابلة مع المدير.

= أهلًا أهلًا أنا محمد مساعد المدير.. أتشرفت بيكِ أنا مكان المدير هنا، قوليلي عايزه إيه من المدير وأنا تحت أمرك يا قمر، أقصد يا فندم أنا خدامك.

أبتسمت - أحم أنا بس كنت عايزه أعرف فين المكتب عشان عندي ميعاد معاه.

= أوعى بقى أقصد أكيد طبعًا الاو.... .

- أستاذه حنين، اتفضلي الاوضة الي على يمينك.

هو عرف اسمي إزاي؟ وبعدين بيكلمني كده ليه ! إيه كميه البرود دي !! هو ليه مش كيوت زي مساعد المدير!

=شكرًا.

دخلت الاوضة ولقيت الإستاذ البارد دخل وقفل الباب، أنا أتوترت، ده المدير ؟ يا ماما، اجمدي ياحنين لازم تتفاوضي معاه وت**بيه.

-اتفضلي آنسه حنين تشربي إيه ؟

=قهوه سادة، أحم شكرًا .

-ندخل في المفيد، معاكِ نسخة من العقد؟

= اه تفضل.

بصلي بطرف عينه - كنت بفضل أتعامل مع المدير نفسه بس

هعديها المرادي.

ايه التكبر ده هو بيستخف بيا كده ليه وبعدين رافع مناخيره في السماء على خيبه إيه ! هو عشان عسول شوية وعينه ملونة وبدقن كيوت وشعره ناعم و بعضلات يبقى يتكبر على خلق الله.

=أحم أنا والمدير واحد، أحنا الإتنين في مجلس الإداره.

-ما علينا نرجع للشغل امضي الورق ده وهنبلغك بالقرار بعد يومين.

وقفت وكان نفسي أض*به على بروده ده!

=أحم أوكيه أتشرفنا.

خرجت وأنا متعصبه عشان حسيته بيستخف بقدراتي، يولع أبو عيون ملونة عادي يعني، أنا واثقة من شغلي.

-انسه حنين.

لفيت وبصتله =نعم.

صوته عميق تحس أنك عايز تسمعه وتغمض عينيك وتسترخي، بس ده ميمنعش إني مش طيقاه!

-دفتر الملاحظات بتاعك نسيتيه على مكتبي.

طب استني هسجل صوتك طيب.. إيه ده هو بيقول إيه ؟!

=أحم، اه سوري، شكرًا جدًا.

رفع حاجبه وضحك بسخرية -هو كل حاجه عندك أحم أحم.

=هي طنط مقالتش لحضرتك إنه عيب تعلق على كلام الناس ؟

أبتسم -لا.

جتك الق*ف في حلاوتك ياشيخ =طيب حضرتك عرفت أهو.

-شكرًا للمعلومة اتفضلي دفترك.

جه مساعد المدير الي كان واقف من شويه وقال = يا أسامه عندك أجتماع بعد ربع ساعه، لو أنت مشغول أنا ممكن أشوف الآنسه حنين عايزه إيه ؟ أنا تحت أمرك جدًا يعني.

-امشي على شغلك يامحمد الآنسه مروحة خلاص.

-إحم شكرًا يا أستاذ محمد. حضرتك ذوق جدًا ياريت تعلم الناس إزاي يكونوا ذوق زي حضرتك.

=معلش أصل أخويا أسامه معقد شويه وكل حاجه جد ومبيحبش الهزار وحاجه دمها تقيل أوي.

أحم اه واضح جدًا عندك حق ،نسيت تقول وعنده برود لا متناهي.. اديله شويه من خفه دمك.

=أنا مش عارف طالع لمين ده بابا ومامي كيوت خالص ومفرفشين.

-اخرسوااااا

أنا إتفزعت ورجعت لورا شويه! إيه ده في اي! ودانه هتطلع نار كمان شوية، أحم يمكن زودتها شوية.

-اقسم بالله لو سمعت كلب فيكوا بيتكلم هندمه، أنت اتفضل على شغلك وحسابك معايا أما نروح.. وإنتِ يا آنسه يا محترمة يامتربية لو مخرجتيش دلوقتي اعتبري إن البيزنس الي بيننا أنتهى!

أتعصبت عليه = أنت إزاي تكلمني كده! والله بس لولا بابا كنت ها... كنت هااا..

-إيوه افضلي نهأي ما إنتِ مش شاطرة غير في أحم وهاا.. الستات مكانها في المطبخ، يلا روحي البصل عايز يتقشر ياحلوة.

دخل الأوضه ورزع الباب في وشي، أنا أما بتحرج بعيط واما بتضايق بعيط وأما بتعصب بعيط وأنا دلوقتي هنفجر في العياط، أنا محدش أهاني بالشكل ده! إزاي يتريق عليا كده.

-معلش أخويا عصبي بزيادة أنا اسف بالنيابه عنه، أنا السبب معلش.

أخوه عسل وفرفوش والله مش كئيب زي الأستاذ البارد ده!

=عادي ولا يهمك أحنا بس زودناها حبة متقلقيش العقد زي ما هو وأنا هقنعه لو فكر يرفضه.

-بجد ميرسي جدًا لحضرتك كلك ذوق.

حط إيده ورا رأسه بإحراج = حضرتك !! بعد إيه بقى.

ضحكت -أحم أنا اسفه أصل طريقة كلامك بتفكرني بأخويا الله يرحمه.

= ربنا يرحمه ويغفر له ويعوضك يا رب روحي على بيتك ومتشيليش هم كله هيبقى تمام.

-يا حنييييييين قوميييييي تووووووت .

=إيه في إيه، إيه ده الي بيحصل.

- ههههههه إتخضيتِ صح ههههه إنتِ ميتة مش نايمه مامتك بتقولك قومي اتغدى.

=حسبي الله ونعم الوكيل ربنا يأخذه الكفره يا شيخه إنتِ مستفزه بجد غوري يا الاء عشان متعصبش عليكِ

= بقى كدة ده أنا غلطانة إني جاية عندكوا أفرفشك شوية، ده أنا حتى كان عندي مفأجاة ليكِ. شديت الغطاء على دماغي - مش عايزة حاجة من وشك طفي النور واخرجي .

=طاااايب شوفي مين هيجيبلك الفيسبوك بتاع الإستاذ البارد بتاعك.

شهقت واتنفضت من على السرير -إيه بتقولي إيه جبتيه إزاي ؟إمتى؟ فين؟ اسمه ايه؟

- أوعى وشااااااك ده إنتِ واقعة أوي بقى .

= اتنيلي بلا واقعة بلا هباب أنا بس هعمل لعبه صغنونه خالص خالص مش أكتر.

- يا خوفي من لعبك يا فاروق هتعملي إيه ؟

=مش تخافي أنا هضطر ألعب على الهادي خالص مش زي عوايدي عشان بس شغل بابا ميتضرش .

-ربنا يستر بصي يا ستي اسمه أسامه محمد عنده 27 سنه عنده أخ اسمه محمد علي اسم باباه وعنده 23 سنه وهما ماسكين شركه باباهم، والأستاذ التلاجة بقي عنده عقده من الستات مبيهزرش نادر أوي لو كلم بنات بيروح كافيه على أول الشارع الي ساكن فيه، عنده فيسبوك بإسمه بالإنجليزي وحاطط صورته، وبيلبس شوز مقاس 40 بيحب اللون الإزرق ونص بنات الشركة بتكراش عليه وبرده مفيش بنت عرفت توقعه، بس كده وباقي المعلومات هتوصل بكره، إنتِ فاتحه بؤك كدة ليه؟!

=أحم إنتِ بتعرفي الحاجات دي كلها إزاي!

- عيب عليكِ ياض ده أنا جامدة أوي قولي بقى ناويه على إيه.

= مش عارفة والله شكلي كده مش هعمل.

-إييييه بعد كل تعبي ده تقولي خلاص مش هعمل حاجة.

= طيب بصي هستنى لما نخلص شغل مع شركته وبعدين نشوف هنعمل إيه.. أنا أصلًا مفروسة منه جدًا عشان التكبر بتاعه ده وعشان إهانته ليا

- قلتيلي بقى طيب يا مصيبة.

=بابا.

-نعم يا حبيبي.

=هيا الصفقة الي أنا ماسكاها بتاعت شركه الإستيراد ردوا عليك ؟

-اه يا حنين اتقبلت والشرط الجزائي كويس دماغك توزن بلد يا حنين إنتِ طالعالي يا قمر إنتِ.

= بنتعلم منك يا برنس .

- برنس طب امشي من قدامي ضيعتي البرستيج.

رنيت علي الاء ...

=الاء تعالى بسرعة .

-خدامه عندك أنا !

=يلا يا بت مترغيش كتير خلصي تعالي عند الكافية الي الباشا بيقعد عنده.

- إييييه إنتِ بتهزري.

=الاء هتيجي معايا ولا أروح لوحدي؟

-خلاص هاجي أمري لله ربع ساعه وهكون عندك.

=أحم أنا م**وفة أدخل.

-هيهيهيهيهيهيييي الي يشوفك وإنتِ بتقولي هروح لوحدي ميشوفكيش وإنتِ كتكوت مبلول دلوقتي!

=بنننت عيب كده أنا أسد ع فكرة، إنتِ عارفة المكان المفضل الي بيقعد فيه هنا؟!

-اه الحته الي على الشمال دي عند الطرابيزه الزرقا.

=يلا بينا، اقعدي اقعدي بلا غم.

-يامجنونه أفرضي جه؟ فاضل خمس دقايق على المعاد الي بيدخل ف....

=بتقولي إيه؟

-ياوقعة سودا ده هو، ده جاي علينا ياحنين، الله ده قمور أوي أحلى من الصور أنا هأخده.

=الاء أقسم بالله هجيبك من شعرك، اخرسي.

بصيت عليه بطرف عيني، هو لسه مخدش باله أن أنا موجودة، لفيت رأسي عشان أشوفه كويس عيني جت في عينه..

هو أبتسم ولا أنا متهيألي؟ يا ربي على الإحراج شافني وأنا ببصله! شيلت عيني بسرعه.. حسيت أن أنا كنت بجري، ض*بات قلبي بتزيد مع كل خطوة بيقربها! أتكلم -لو سمحتِ أنا بقعد على الترابيزه دي من سنين، تسمحي تشوفيلك مكان تاني تقعدي فيه؟

تنحتله إيه البجاحه دي هو عايز يقومني!! كمان مش كفاية الي عمله؟!

رديت بكل برود = لامسمحش هو الكافيه بتاع حضرتك ولا حاجه! كرسي فاضي وقعدت فيه سوري ملقتش اسمك عليه.

كان لسه هيرد بس الجرسون قاطعه =اسف جدًا يا أستاذ أسامه، يا آنسه ممكن تتفضلي معايا على ترابيزه تانية.

حطيت رجل على رجل -لا مش هقوم أنا حبيت المكان ده، هو بالحجز ولا إيه، أحنا مش طابور ابتدائي.

الاء عماله تدوس على الشوز بتاعي وتبرقلي بس برده مهمنيش وبصيت لأسامه ورفعت حاجبي وابتسمت باستفزاز، الي هو وريني هتعمل إيه!

ابتسملي وفضل مركز على عيني لحد أما ضعفت ونزلت عيني ..

بص للجرسون وأتكلم =خلاص أنا هقعد، مش مشكلة هسمحلهم يشاركوني الترابيزة، وبعتذرلك بالنيابه عن الآنسه عن الإزعاج الي هيا سببته، والمشروب على حسابي اتفضل أنت على شغلك.

أنا سببت إزعاج ؟!! وكمان بيعتذر بالنيابه عني ؟!! والمشروب على حسابه كمان! أي ده لحظة واحدة هو بيقول هيقعد على نفس الطرابيزه !! ياختااااي ألحقيني يا الااااااء أنا الي جبته لنفسي، بصتلها لقيتها عمالة تستحلفلي بمعني أنها هتوريني سواد الليل أما نروح..

قعد قدامي -إزيك يا آنسه حنين، إيه الصدفة الغريبة دي، مش هتعرفينا بالانسه الي جمبك؟

=احم أنا الاء صاحبه حنين.. حنين حكتلي كتير عنك، أقصد عن شغلكوا وكده أحم.

ضحك الضحكة الي بتخ*فني -إي ده إنتِ عندك نفس ال أحم الي عند حنين؟ دي عدوى ولا إيه ربنا يستر عليا ومتعديش أنا كمان، عموما أهلًا وسهلًا شكلك كده زوق عن صحبتك.

=اللهم طولك يارووووح.

-في حاجه يا حنين؟

=اسمي آنسه حنين لو تكرمت.

-يا انسه حنين لو تكرمت حاضر هحفظ الاسم، لو تكرمت عامل إيه؟ سلمي عليه.

هو ماله مش كان بيكره الستات وعنده عقده منهم ! عمال يهزر ويستخف دمه ليه؟ فجأه كده عقدته اتفكت! سبحان الله.

= إيوه أنا عارف أن أنا قمور، بس متسرحيش فيا كتير عشان غلط عليكِ.

أتحرجت أوي و بصيت في الإرض، مش قصدي أبص عليه وأنا مالي ما عيونه هي الي بتشدني، عيونه قليلة الأدب متربتش، أنا ذنبي ايه!

= ها بقى تشربو إيه؟

ردت الاء -إي حاجة على ذوق حضرتك.

زعقت فيها =الاااااء أحنا مبنشربش على حساب حد قومي هنروح .

-هو إيه الي هنروح مش أنت ِ الي جيباني هنا بالغصب.

برقتلها عشان تسكت،هى جدعة اه وكل حاجة، بس ل**نها ده بيودي في ستين داهية أوقات كده بتبقى حماره وببقى نفسي أض*بها قلمين.

أتكلمت عشان أداري على الي قالته =أحم كنت حابة المكان بس.

بصلي وأبتسم -تاني أحم؟

الاء تليفونها رن =ده بابا ثواني هشوفه وأرجعلك.

يا الاااااء متقوميش وتسيبيني معااه لوحدي.

أتكلم -اسف.

= ها..اسف ليه؟

-اسف عشان زعقتلك في الشركه.. بس مكنش يصح الي قولتيه.

أتحرجت اوي =أحم اه وأنا كمان اسفه.

- ما إنتِ بتحمري زي البنات أهو، أُمال عامللنا فيها راجل ليه؟!

يا قليل الأدب، ماشي يا أسامه انا راجل ! جت الاء وقعدت

= أحم أحنا أتأخرنا هنروح سلام.

- طب استني أشربوا حاجة.

= يلا يا الاء سلام يا إستاذ أسامه .

أبتسم -شعرك باين دخليه لحد ما أدخله انا.

=هاا .

-بقولك دخليه بدل ما أدخله أنا .

=لا شكرًا أنا بعرف أدخله .

شديت الاء وجرينا على بره

-إبتسامته بتخ*ف قلبي يا الاء.

= اخرسي خالص أستنى بس أما نروح .

-هتديني محاضره أنا عارفة اعمل إيه الموضوع فلت من إيدي.

= فلت! اسكتي عشان مقلعكش الطرحة في الشارع .

صحيت على صوت الفون..

- الاء حرام عليك الساعه سته الصبح إيه مخلصتيش وصلة التهزيق بتاعه أمبارح ؟ عارفة إني غلطت لما قعدت مع سي خررره أسامه بس خلاص عديها، أعمل إيه يعني ما قولتلك عيونه هي الي بتخ*فني عيونه قليله الأدب أنا ذنبي!

دعكت عيني، هي الاء ساكتة ليه؟ إحم يمكن زودتها

-الاء؟

=قابليني بعد ساعة في نفس الكافية.

انا مش مستوعبه لسه هنطق لقيت الخط قطع، نطيت من على السرير، ياوقعه سوداااا ده...ده...ده اساااامه!

يا مصيبتي أكيد الاء نسيت فونها أمبارح، اقا**ه بعد ساعة ! إزاي هقدر أشوف وشه بعد كل الكلام الي قولته!

وقفت قدام المرايا وكلمت نفسي بثقه أحم إنتِ معملتيش حاجه اجمدي...خدي الفون منه وعادي جدًا.

وصلت بدري خمس دقايق كالعادة والكافية كان مقفول بصيت في الساعه الدقايق مش بتعدي، هو مجاش ليه؟ الشارع فاضي ومفيش ناس! أنا خايفة لا أنا هروح يولع تليفونك يا الاء، لفيت عشان أمشي لقيته واقف قصادي عينه في عيني، تنحت وفضلت بصاله وتوهت في عنيه، حسيت إني توهت مني بس لقيتني في نفس الوقت، معرفتش أتكلم أو أبعد، كأني متخدره مش حاسة غير بعنيه، حابه الشعور الي حساه وأنا تايهه فيه وبعد خطوط عينه العسلي وكل خيط بيوصلني للدايره السودا الي بتشدني، كأن خطوط عينه خيوط ربطاني بيها ! كل ما أحاول أبعد تشدني أكتر.

-مش هتأخدي الفون؟

=هاا؟

-الفون، مش إنتِ جاية عشانه.

=اه الفون أحم اسفه نسيناه أمبارح.

-لا متتأسفيش دلوقتي أنا هخليكِ تتأسفي علي كل كلمة قولتيها غلط بس هتتأسفي على طريقتي.

=أفندم؟!

أبتسم -لو تكرمت عامل إيه؟

=ألزم حدودك لو سمحت

-حدودي !!! اه بأماره سي خرره صح؟! هتندمي ياحنين ! ومتقلقيش هكون متسامح معاكِ و هقول لحمايا أن بنته محترمه جدًاااااااا.

=إيه؟!

-دخلي شعرك بدال ما اقصهولك خالص مش أدخله بس.

أنا واقفه متنحة مش فاهمه حاجه، هو إيه الي بيحصل؟

أخدت التليفون من إيده ومشيت وأنا متلغبطة، روحت البيت ومحاولتش أفسر كلامه

الاء جت وأديتها الفون وقلتلها إنها نسيته معايا، أنا مش عارفة أحكيلها عشان أنا مش فاهمة كلامه ..

عدى أسبوع ومفيش أخبار عنه بحاول انسى و أعيش حياتي عادي ده مجرد أعجاب مش أكتر.

أكيد هنساه

دخلت الشركة وكالعاده دخلت

مكتب بابا لقيته بيتكلم مع حد.. مهتمتش وقعدت على الكرسي جنب بابا وحطيت الورق قدامي وبرفع عيني لقيته باصلي ..مش معقول أسامه !!!! شيلت عيني بسرعه وأتوترت ..

فوقت على صوت بابا وهو بيقوله تمام أتفقنا يا أسامه، حنين هتعرفك باقي التفاصيل، قومي يا حنين عرفي أستاذ أسامه باقي تفاصيل الورق الي كلمتك عليه أمبارح..

انتفضت -أنا ! أحم حاضر ..اتفضل الإوضه رقم 3

دخلت وقعدت على كرسي المكتب وأنا مش عارفة هشرحله إزاي، جبت الورق واتعمدت مرفعش عيني من على الورق وبدأت أشرح وبعد ماخلصت رفعت عيني لقيته متنح وسرحان في عيني!

ارتبكت هو بيبصلي كده لي -أحم خلصت، حضرتك فهمت حاجة؟

=اه طبعًا فهمت.. في غمازة بتظهر على خدك اليمين كل ما بتبتسمي وأما بتتوتري بتغمضي عينك وتفتحيها بسرعة، وكل تلات ثواني بتلحسي شفايفك وبتحطي طرف صباعك في بؤك أما بتسرحي، وبتضمي حواجبك أما بتركزي، وأما بتتصدمي بتنسي بؤك مفتوح، زي دلوقتي كده! وأبتسم.

أنتبهت وقفلت بؤي..

قولتله بتوهان -هو في إيه؟

بصلي وأبتسم = في أنك الوحيده اللي قدرت ت**ر حاجز التلج الي جوايا وتفك عقدتي، هاجي أشرب شاي مع باباكِ النهارده.

وقف وقرب عليا وهو مكشر = ودخلي شعرك عقبال ما أربيه وأخليه يبطل قلة أدب وميطلعش بره تاني.

قلبي بيرفرف ومش مستوعبة -أحم.. زي عيونك برده عايزة تتربي.

=أحم.. إيه؟

ضحكت - أحم.

"لم يكن لقاؤنا صدفه بل كان اجمل اقداري"

((((( السند. ))))

مش ممكن! كل شوية عيني تيجي بالغلط على عينه في المرايا.. والله مش قصدي، ببقى نفسي الأرض تتشق وتبلعني من الإحراج.. المشكلة إنه بعد ما ببعد عيني وأودي وشي الناحية التانية هو بيضحك!

دفعت الأجرة ونزلت أخيرًا من الباص.. وشي بقا شبه الطماطم من كتر إحراجي، الحمدلله إني مش هشوفه تاني ولا هقا**ه، طلعت غيرت هدومي واتغديت وفتحت الرواية الجديدة اللي اشتريتها وبدأت أقرأها لحد ما نمت...

بعد شهر ماما تعبت فجأة وكانت محتاجه تتحجز ضروري وتفضل في المستشفى فترة، معاش بابا كان يادوب بيكفيني أنا وماما ومش حمل أي مصاريف زيادة.. قررت أشتغل، بالرغم إن ماما معارضة الفكرة بس نزلت من وراها، لازم حد يسدد المصاريف دي وأنا مش هطلب حاجه من حد وهعتمد على نفسي.. بعد تدوير كتير الحمدلله لقيت شغل بعيد عن البيت شوية، فعلًا محدش بيحس بالأب اللي بيخرج يشقى ويتعب عشان يجيبلنا لقمة العيش، أنا من أول يوم شغل وتعبت جدًا مش قادره أوفق بين الشغل والبيت ومرواحي لماما في المستشفى، الأب عمره ما بيشتكِ ولا بيقول قد إيه هو راجع تعبان ومرهق، بيشتغل شغلانتين لو لقى إن مرتبه أقل من احتياجات أسرته، شايل جبال على كتافه ومتحمل مسئولية كل فرد ومحدش حاسس بيه، بيبان جامد ومفيش حاجه تهزه بس من جواه بيتوجع لو بنته خدت حقنة وعيطت، ربنا يرحمك يابابا فعلًا مش بنحس بالنعمة غير أما نفقدها..

بقيت كل يوم أنزل شغلي من ستة الصبح وفي البريك أودي لماما الأكل اللي حضرته قبلها بيوم، وأقعد معاها شوية وأرجع على شغلي تاني وبعدين أروح أغير هدومي وأروح أتطمن على ماما.

صحيت في يوم متأخر وكنت خايفة جدًا عشان أهم حاجه في الشغل الإلتزام بالمواعيد.. للأسف أتخ** من مرتبي عشان تأخيري، فضلت طول اليوم مهمومة وعماله أغلط كتير، المرتب من غير خ** بيكفي فواتير المستشفى بالعافية، وماما كل ده فاكره إنها مجانية مش خاصة!

يارب دبرها من عندك أنا تعبت وجبت آخري، في اليوم ده ماما تعبت جامد، كإن قلبها حاسس ببنتها وبالوجع اللي هيا فيه.. فضلت معاها لحد ما الدكاترة قالولي روحي وجودك ملوش لازمة لو في جديد هنكلمك..

دخلت البيت حسيته يخوف! فاضي أوي.. ساكت ملوش حس.. يارب أنا مش هتحمل أخسر ماما كمان! يارب معنديش غيرها، لا عيلة ولا أهل.. يارب أحفظهالي وقومها بالسلامة.

نزلت الشغل عشان أهرب من اللي أنا فيه، آه بتعب بس بنسى.. اتفاجأت إن كان في إجتماع مهم المفروض أحضره امبارح بعد البريك وأنا نسيت وإتلهيت مع ماما.. مش عارفه اشرحلهم إزاي!

_أسفه والله بس حصلتلي ظروف بعد البريك ومعرفتش ارجع الشغل امبارح.

=ده اسمه استهتار! إنتِ عارفة خسرتي الشركة قد إيه!

_والله غصب عني طب اخ**ه من مرتبي.

=ههههههه مرتبك!! المرتب اللي بتقبضيه في السنة كلها ميساويش ربع إللي خسرناه بسبب إهمالك والورق المهم كله خدتيه وإنتِ ماشية كإنك متعمدة تخسرينا!

_كنت وخداه عشان أراجعه.. طب أعوضكوا إزاي!

=ميلزمنيش الكلام الفارغ ده أتفضلِ أطلعِ للمدير شوفِ هيرفدك ولا هيعملك إيه!

الدنيا عمالة تضيق عليا.. يارب متحملنيش فوق طاقتي.. يارب جبت آخري!

خبطت على باب المدير..

_أتفضل.

=السلام عل....

ابتسم _وعليكم السلام.

=إنت بتعمل إيه هنا!!

_هو إنتِ بقا اللي عملالي البلاوي دي كلها!! كل شوية الموظفة حنين عملت.. الموظفة حنين اتأخرت.. الموظفة حنين ممكن تكون عميل سري بينقل المعلومات.. الموظفة حنين خسرت الشركة آلاف.. إنتِ البلوة السودا اللي ناقص تطلعلي في الأحلام!!!

=هو بجد حضرتك المدير؟!

_ده اللي لفت نظرك؟ سايبة كل البلاوي اللي حضرتك عملاها وتقوليلي إنت المدير!!

دماغي لفت!! مش المفروض ده سواق الباص اللي ركبت معاه مرة وعيني جت في عينه كذا مرة!! إزاي هو المدير!

اتنحنح _اتفضلِ إقعدي أنسة حنين.

قعدت =أنا أسفه والله بس حصلتلي ظروف غصب عني معرفتش أجي الشغل باقي اليوم ونسيت الورق والإجتماع خالص.

_ممكن أعرف الأسباب؟

=لا

_من حقي أعرف الأسباب الفظيعة المهمة إللي خلت حضرتك تضيعِ مجهود الموظفين وتعب شهور وأرباح بالآلآف.. وكمان قافلة تليفونك ومحدش موجود في البيت اللي عنوانه مكتوب عندنا في السي ڤي.

=أنا أسفه.. غصب عني.

_ده شغل مفيش حاجه اسمها أسفه! مش قد الشغل مكنتيش تشتغلِ من الأول.

=إنت قاسِ أوي! ربنا وحده إللي عالم بيا.. أنا حاولت مقصرش في شغلي بس كان غصب عني.

عيطت بالرغم من إني مبعيطش قدام حد.. بس مهمنيش، انفجرت في العياط وانفجر كل الضغط اللي جوايا، صعبت عليا نفسي أوي.. الحمل تقيل عليا، صعب أتحمل كل ده لوحدي! ياارب.

منتبهتش إني بتكلم بصوت عالي غير لما قال _حمل إيه اللي تقيل عليكِ؟!

حسيت إني لازم أحكي لحد، محتاجة أطلع الوَش اللي جوايا وأهدى شوية =عمرك ما جربت شعور إنك لوحدك في الدنيا دي ملكش حد غير ربنا، بابا مات وسابني مع ماما لوحدنا لا خال ولا عم، ربتني أحسن تربية وقاومنا كل حاجه سوا، دلوقتي ماما عايزة تمشِ وتسبني زي بابا، نزلت اشتغلت من ورا ماما عشان أدفع مصاريف المستشفى، ماما بين الحيا والموت.. طبيعي أنسى الاجتماع!! أنا بروح البيت أعيط لحد تاني يوم أما الصبح يصبح عليا، نفسي ارتاح ساعة بس وبعدين أرجع أتحمل المسؤولية تاني..صعب كل ده أتحمله لوحدي!

انفجرت في نوبة عياط تاني يارب هون على قلبي..

صحيت من النوم لقيت نفسي في أوضة غريبة وعلى سرير غريب ومتعلق في إيدي محاليل..اتعدلت وبحاول أفتكر إللي حصل مش قادره..آخر حاجة افتكرتها كنت في مكتب المدير..الباب خبط ودخلت واحدة في سني أو أصغر شوية، مين الناس الغريبة دي!

أنا مكنتش خايفة كنت مستغربة بس! مش عارفه مخوفتش لي!!

_أنا فين؟ وإنتِ مين؟

=أخيرًا القمر صحيت، أنا اسمي أسيل..ألف سلامة عليكِ يا حنين..اتطمنِ إنتِ هنا في بيتك التاني متقلقيش.

_مين جابني هنا وايه اللي حصل؟

=الباشا اللي واقع في الحب.

_إيه؟

=إنتِ يا أم ل**ن طويل أخرجِ وسيبِ حنين في حالها وبعدين مش قولتلك متصحيهاش.

_مصحتهاش علفكرة هيا صحيت لوحدها، وبعدين عايزة أقعد معاها شوية وأتعرف عليها كويس اللي أنت حكتهولي مش كفاية..عايزة أعرف هيا كمان بتحبك ولا ل.......آه شعرااااي بس يا أساااماااه.

=ل**نك ده هقصهولك أصبرِ عليا بس..اتفضلِ حضرِ العشا.

بصتله ومش فاهمه حاجه هو إيه اللي بيحصل!

_حمدلله على سلامتك.

=جايبني هنا ليه وإيه اللي حصل؟

_حصلك هبوط مفاجئ في الدورة الدموية الدكتور قال محتاجه تتغذِ كويس وتهتمِ بصحتك.

=أنا اسفه تعبت حضرتك.

_حضرتك بعد إيه بقى!

=ماماا، عايزة أروح اتطمن عليها.

_متقلقيش والدتي عندها خدتلها غدا وراحت من

بدري وهيا بخير الحمدلله.

=بجد؟!!

_بجد.

=مش عارفه أقول إيه على الإزعاج اللي سببتهولكوا ده!!

_قولي موافقة.

=موافقة إيه؟!

_موافقة إني أكون زوجك وسندك ووالدك وأخوكِ، موافقة إني اشيل عنك الحمل اللي إنتِ شيلاه لوحدك، موافقة أبقى ضهرك، موافقة إنك تميلِ عليا يوم ما الدنيا تيجِ عليكِ، موافقة أكون ابن لوالدتك، موافقة أحميكوا من الدنيا دي وأخليكِ ملكة.

=أسامة!!

_يا قلب أسامة، ياخ*فاني بخدودك اللي كانت شبه الطماطم وإنتِ في الباص وعيونك إللي كل شوية تخ*فني دي.

=بس أنا معنديش حاجه أديهالك! مستاهلش منك كل ده.

_وجودك في حياتي لوحده كفاية.

=بخخخخخخ أنا جييييت ها أزغرط؟ العروسة وافقت؟

_وافقت يا أسيل.. مش كده يا حنين؟

=مش كده يا أسامة.

(((((( احذر النساء )))))

_خلاص يا ألاء أنا قررت.

=هاا قررتِ إيه؟ هتنسيه إزاي؟

_أنساه إيه وهبل إيه.. أنا قررت أتقدمله.

=يامصيبتي السودا، والله باللي في رجلي وعلى دماغك.

_ششش بس أقعدي على جمب، هوريكِ هتجوزه يعني هتجوزه.

=ياارب ارحمني هتشل..إنتِ هبلة يا حنين؟

_مفيش حاجة **مت أعملها وفشلت.. أما بحط حاجه في دماغي بنفذها، وأنا حطيته في دماغي.

بصتلي بريبة =هتعملِ إيه يعني؟ إوعي يكون اللي في دماغي!

ابتسمت ابتسامة بريئة، وبكده أكدت مخاوفها..

_إيه مش هعمل حاجه متخافيش.. نتقابل بعد أسبوع وأقولك آخر الأخبار.

ياسلام لو الواحد يذاكر بنفس الاجتهاد اللي بيبذله عشان ينفذ إللي في دماغه، حقيقي كانوا يومين مرهقين جدًا بس أنا مش هتراجع عن قراري.

_هاا يابلوة عملتِ إيه؟ واختفيتِ فجأة كده ليه؟

=خدي عندك، ده سجل أرقام كل صحابه وقرايبه، ودي قايمة بكل المحلات والكافيهات إللي بيروحها، وده جدول أعماله، وده روتينه اليومي..دي حاجات مبدأيه كده بسخن بيها، آه ونسيت أقولك أنا وأخواته بقينا صحاب أوي وعزماني عندهم انهارده على الغدا، ومامته دي حتة سكره وبتحبني زي بناتها وعملالي كل الأكل إللي بحبه انهارده.. ناقص هو بقا، هو بيشوفني كل يوم عند السوبر ماركت إللي تحت بيتهم، إوعي تفهميني غلط.. أنا بحب الجبنة إللي في السوبر ماركت ده بس مش أكتر، أكيد مش هبقى قاصدة إني أصحى كل يوم ستة الصبح وأروح في نص ساعة عشان أوصل في نفس المعاد إللي بينزل فيه من بيته عشان يشوفني يعني!!

وأكيد مش هقصد أركب من نفس الموقف إللي بيركبه لشغله، عشان أنا جامعتي في عين شمس وهو شغله في الشيراتون.

وأما أغمى عليا جمبه وهو شالني كنت عشان هبطانة، أكيد مش هقصد يغمى عليا قدامه والشارع فاضي ومفيش غيره يشلني!

شويه مصادفات كده بتحصل يعني.. بس كده ياستي، وزي ما قولتلك مامته عزماني انهارده على الغدا وهظبط الدنيا... إنتي بصالي كده ليه؟!!

=إنتِ جبارة! إنتِ مصيبة بجد!! أنا خوفت منك.

_عيب عليكِ إنتِ لسه شوفتِ حاجه، يلا هقوم أجهز عشان أروح لحماتي المستقبلية.

دخلت البيت ورحبوا بيا جدًا بس هو مكنش موجود.. مينفعش ميجيش خطتي هتفشل!!

بعدها بشوية حد خبط على باب الشقة وبما إن البنات كانوا بيحضروا الأكل في المطبخ وطنط معاهم قولتلها خليكِ أنا هفتح..

فتحت الباب وكان هو زي ما توقعت، بص ليا وتنح! رجع خطوتين لورا وبص على باب شقتهم تاني يتأكد إنه خبط على الباب الصح، وبص ليا تاني

=إنتِ بتعملِ إيه هنا!!

_مين حضرتك؟

=مين حضرتي؟! ردي عليا بتعملِ إيه هنا! ناقص تطلعيلي من الحمام والله.

_طنط وفاء عزماني عندك مانع؟

=وكمان عارفه أمي!! ثواني ثواني هو إنتِ البنت إللي أمي عمالة تتكلم عليها وبتقول لازم أتجوزها!!! ياوقعة سودااا إلحقووونااااااااي.

_ألو..

=أيوه يا حنين.

_مش هتقوليلي مب**ك؟!

=مب**ك إيه؟

_خطوبتي بكرة.

=بتهزري!!! خطوبتك على أسامة؟

_هو بعينه.. عشان تعرفي بس أما بحط حد في دماغي بعمل إيه.

"احذر النساء فَهُنَّ دواهِي متنكرات في لباس البراءة"

(((((الرجااله))))

_عارف ياحبيبي الست اللي قطعت مناخير جوزها عشان مصاحب بنات على الماسنجر؟

=ايه ده بسم الله الرحمن الرحيم اي الجبروت ده!

_اي مالك أتخضيت كده لي؟ قفلت الفون لي متكمل لعب فيه!

=لا ما هو اصل ياحبيبتي انتي مش فاهمه.. ازاي ميصحش طبعًا امسك الفون وانتي قاعده معايا ياروحي.

_لي بس ياحبيبي وده من امتى؟

=اه صحيح افتكرت ورايا مشوار مهم..مدير الشغل عايزني اخلص أوراق.

_امم عايزك تخلص أوراق الساعة 12 بالليل يوم الجمعة!

=لا اي ده انا كنت فاكر النهار جه ههههه اه يلا بقا ياحبيبتي ننام..او نامي انتي وانا هنام بعدك.

_لا روح نام انت انا سهرانه شويه.

=لا ياحبيبتي السهر غلط عليكي وبيضر بالصحة جدا أثبتوا انه بيجيب كانسر في جميع الجسم وبيتخن اووووي وبيخلي الشعر يقع وبيطلع التجاعيد في وشك بسرعه و.....

_يارووحي كل ده! مكنتش اعرف.

=انا بس خايف عليكي ياحبيبتي.

_اه اكيد طبعا..يلا ننام.

=يلا.

"بعد مرور ساعات"

_امم اه صباح ال...... اي ده ياماماااااااااا انتي ماسكه السكينه لييييه!!!

=انت مخضوض ومفزوع كده لي مالك قومت من السرير نطيت ومرعوب لي؟

_انتي مسكالي السكينه وقاعده فوق راسي اكيد لازم اتخض!

=مين قال اني مسكهالك! انا بقطع التفاحه تاخد حته؟

_تفاحه!! حليت تقطعي التفاحه فوق راسي!!

=اووه سوري ياحبيبي..يلا قوم عشان متتاخرش على شغلك.

_حااضر..اي ياربي المصايب دي!

=صباح الخير يا ألاء.. حقيقي لازم أشكرك ده انتي مصيبه.

_هاا عملتي اي طمنيني.

=عملت زي ما اتفقنا بالظبط والراجل مرعوب ياقلب امه.

_طب والاكونت اللي كان بيكلمك عليه على اساس انك بنت من سوريا بعتلك حاجه عليه تاني؟

=اه تاني يوم علطول بعتلي رساله اعتذار وانه مش هينفع ي**ن مراته وبلا بلا بلا وعمللي بلوك.

_ياواد ياحريف انت.

=ده انتي دماغك شيطانه.. المهم ان معاملته اتغيرت وبقا يعاملني برقه وبيحترمني جدا.. اه صحيح هقوم اجهز نفسي بقا عشان هيفسحني.

(((( الاخوات)))))

دخلت الأوضة وشغلت النور..

الأوضة هادية بزيادة، أخييرًا الأوضة بقت بتاعتي لوحدي!

بصيت على السرير لقيته فاضي.. فتحت الدولاب، درفتها فاضية! كل حاجه فاضية منها ومن وجودها! حتى جوايا فاضي..

مكناش بنبطل خناق وطول الوقت نض*ب ونهزق بعض.. بس بحبها أوي، يمكن مقولتلهاش "بحبك" ولا كنت بحضنها كتير بس من جوايا مبحبش حد قدها، خلاص بجد مش هنسهر سوا كل يوم لنص الليل نرغي ونرخم على بعض؟

مش هلاقي حد يخربها معايا ويساعدني على الفساد من ورا أمي؟ يعني خلاص كده مش هلاقي حد يحمر معايا بطاطس الساعة واحدة بالليل؟

مش هفضل أشتم فيها عشان بتتريق على أحزاني؟

مش هلاقي حد يضحكني وسط عياطي وأقوم أفش غلي فيه وأض*به؟

بجد خلاص راحت؟

طب هتخانق مع مين على شغل البيت؟

على قد ما أنا فرحانة إني خلصت منها على قد ما أنا حاسه بغيابها وإنها سابت فراغ جامد جوايا..البيت هادي من غيرها، مكنتش أعرف إني هتخنق أوي كده بعد غيابها..

من مكاني ده بقولكوا حافظوا على كل لحظة مع أخواتكوا عشان هتتمنوا الزمن يرجع بيكوا تتخانقوا سوا وتشدوا في شعور بعض.. مهما كونتوا صداقات مش هتلاقوا حد -تصحوه في نص الليل تشتكولوا من حاجه من غير ما تحسوا إنكوا تقال عليه- غير أخواتكوا.

((((((حفله زفاف)))))

"المعني الحقيقي للجوازه النحس"

النهارده أهم يوم في حياة اي بنت، يوم فرحييييييي.

قومت بنشاط من الفجر وانا واثقه انه هيكون أحلى يوم في حياتي.

- ماما هاخد شاور وانزل للبيوتي سنتر، اتصلي ب الاء عشان توديني بعربيتها.

خلصت ولبست وألاء كانت مستنياني تحت بالعربيه.

= حنين بقيت عروسه يا ولااااااا انهارده فرحه ياجدعاان

-الاء عايزاه يوم محصلش، يكون اسعد يوم في حياتي ساعديني عشان اليوم يعدي ويكون لطيف.

= من عيوني ياعمري يلا اركبي.

-ايه يا ألاء في ايه هي العربيه مش راضيه تشتغل ولا ايه؟!

= استني بحاول اهو كانت زي الفل في ايه!

عدي ساعه ومفيش فايده العربيه مش راضيه تدور.

- الاء انا كده أتاخرت، هنزل اروح مواصلات وخلاص.

= طيب يا روحي وانا هتصل بحد يجي يصلحها، خلي بالك من نفسك.

نزلت ورحت موقف الباصات وركبت، الدنيا كانت زحمه جدا و فضلت واقفه طول الطريق وأتفعصت بس مش مشكله، وصلت بعد معااااناه وقلت للسواق على جنب لو سمحت.

جايه أنزل لقيته بيقوللي

- الأجره يا انسه.

لا لا مش معقول نسيت المحفظه في عربيه الاء! يوووووه.

- يلااا يا انسه وقفتي الطريق فين الأُجره.

= ما هو اصل انا مش معايا فلوس دلوقتي، بص هات رقمك و هدفعهالك بعدين اوكي.

- انتي هتصيعي عليا يا وليه! هاتي الفلوس بدال ما اضبطك.

انا في وسط هدومي وهو عمال يزعق ومش عارفه اعمل ايه وكله عمال يبصلي

=طب والله هبقى ادفعلك، نسيت الفلوس وده يوم فرحي مينفعش أتأخر، هات رقمك وهدفعلك كاش.

- معلش يا حلوه شوفي طريقه تانيه تضحكي عليا بيها، خليكي بقى معايا للأخر وهعمل معاكي الصح.

انا خايفه اعمل ايه يااااربي، اه هتصل ب ألاء، يادي النيله معيش رصيد طب سلفني طيب! ارجوك.. انا استاهل مكنش لازم اخلص رصيدي وأرغي لحد نص الليل طب كده هتأخر على معاد البيوتي سنتر! الناس عماله تنزل من العربيه واحد ورا التاني لحد ما وصلنا المحطه ومفيش غيري في العربيه.

فضلت أعيط من خوفي و توتري، اعمل ايه!

= انتي يا وليه ادفعي الاجره ومتخلينيش أمد ايدي عليكي، حد قاللك ان دي عربية ابوكي؟ ما هو مرباكيش.

مسحت دموعي -كلمني كويس! ومتغلطش في بابا الله يرحمه.

= ربنا يرحمه ادفعي بقى عشان متحصليهوش.

لسه كنت هرد عليه بس اسامه رن عليا.

-اسامه ألحقني نسيت المحفظه في العربيه. تعالي بسرعه.

=ايه يا روحي بتعيطي ليه اهدي كده وفهميني.

- تعالي خدني بالعربيه بسرعه.

= انتي فين طيب؟

- معرفش تعالي بسرعه.

= انتي متخلفه يا حبيبتي؟

- خد كلم السواق .

=سواق مين؟

أديت الفون للسواق يشرحله وفضلت اعيط، ليه بيحصل معايا كده معاد البيوتي سنتر عدى.. ده المفروض يبقى احلى يوم في حياتي! مش مشكله هضحك وهخلي عندي امل.

بعد شويه جه اسامه، اترميت في حضنه وفضلت أعيط.. وصلني للبيوتي سنتر وسابني ومشي.

= لو سمحتي انا حنين معادي كان من ساعه ونص.

- ازيك يا فندم الميكب ارتست أستنت حضرتك كتير وجالها ظرف ومشيت.

= مش مشكله طب في حد تاني ميكب ارتست كويس؟

- في يا فندم بس مش بنفس الخبره.

مفيش قدامي حل تاني مش مشكله اكيد بتعرف تحط ميكب كويس! ده هو روج وكحل وكونسيلر والدنيا خلصت..مش هتخترع يعني.

لبست الفستان وقعدت و بدأت تشتغل معايا..حطتلي ماسكات على وشي والدنيا تمام، وانا سبت نفسي ليها اكيد بتفهم اكتر مني.

بعد ساعه...