الجزء الرابع
4786 คำ
رقصنا سلو علي الأنوار الهاديه وانا انسجمت جداا لدرجه اني مخدتش بالي ان الفستان شبك في المسمار اللي في أرض القاعه، وأنا بلف سمعت صوت شبه "تسسسست" مهتمتش عادي، شويه وحسيت الدنيا بقت طراوه وهواا بزياده، ببص لأسامه لقيته فطسان ضحك، لقيت فستاني مقسوم نصين بالطول بس الجيبونه دارت كل حاجه، مقدرتش اضحك واتفتحت في العياط.. الفستان باظ فضلت اعيط كتييير ومهدتش غير اما الميكب ساح والكحل بهدل وشي... عادي مش مشكله كده كده الميكب كان خره، الحلو في الموضوع اني هاكل تورته، اوعااااا بقى
-اسامه اكلني في بؤى و هأكلك في بؤك.
= انتي اساسا طالبه التورته عشان أأكلك في بؤك..حااضر يا أخرة صبري.
عادي هاكل تورته أكيد مفيش حاجه هتحصل أسوء من اللي حصل عادي يعني!
أكلته في بؤه وجه دوره يأكلني في بؤي، فتحت بؤي وغمضت عيني زي ما بشوف في الأفلام واستنيته يدخل الشوكه في بؤي بس لقيته دخلها في مناخيري!
فتحت عيني لقيته عمال يضحك -شكلك مسخرره انا اسف ياحبيبتي جت بالغلط والله سامحيني افتحي بؤك.
=أسامه ده أسوء يوم في حيااتي.. اي النحس ده.. انت برده بتضحك!
طب اهو.. حدفته بقطعه تورته.
-انتي بتحدفي علي التورته ياحنين! طب ماااشي انا هوريكي.
= عااا شعرااااااي.
- تستاهلي محدش قالك تبهدلتي بدلت........ يابنت ال.. طب خدي بقا.
= وانت فاكرني هسكتلك؟!
وهكذا أعزائي القراء تحول حفل الزفاف الي حفل قطع التورتة المتطائر..والي لقاء أخر في حفلة زفاف أخري منحوسه.
((((((بوكيه ورد)))
_انهاردة يوم مختلف، عايزك تحضري بوكيه ورد يخ*ف قلبها.
=من عنيا ياعم الحج إنت تؤمر، بس قوللي عملت إيه؟ شكلك زعلتها تاني.
_زعلت مني عشان مصحتهاش للقيام امبارح يابنتي، كانت تعبانة ومرضتش أصحيها.
=بسيطة ياعم الحج إديها البوكيه ده بس ومعاه الشوكولاتة وهتنسى كل حاجه.
بقاله تلات سنين من يوم ما فتحت المحل وهو بيعدي عليا كل يوم وهو راجع من الشغل ياخد ورداية لمراته، ويوم ما يطلب بوكيه بعرف إنه زعلها، في الأول كنت بستغرب أما يشتري مني ورد، راجل في سنه هيحتاج ورد ليه؟ بس مع الوقت فهمت إن الحب ملوش سن معين، والشباب فعلًا شباب القلب.
_مش ناوي تحكيلي حكايتكوا ياعم الحج؟ كل مرة بتكون مستعجل!
=يااه فكرتيني بأحلى أيام عمري، من 40 سنة كان نفسي أتجوز واحدة بمواصفاتها بس مش لاقي، مكنش في إلتزام ولا الكلام ده، نادر لو لقيتي حد ملتزم، بس هيا كنت بشوفها دايمًا قاعدة في جمب كده ولابسة الخمار وبتقرأ في المصحف، مع إنها أمية متعلمتش القراءة ولا الكتابة، بس مبتعرفش تقرأ غير من المصحف، دعيت ربنا بيها كتير، مكنش حيلتي حاجة وقتها عشان أتقدملها، كنت مواظب على الصلاة في المسجد إللي جمب بيتها وكنت أنا الإمام، اتجرأت في يوم وأتقدمتلها، أهلها رفضوني عشان كانوا مهتميين بالمظاهر والفلوس.. بس هيا وافقت بيا بشرط إني أحفظها القرآن كله، وقفت قدام أهلها وأصرت تتجوزني، أهلها مكانوش ملتزمين وشايفين إنها شاذة وسطيهم، تحت إصرارها وافقوا وإتجوزنا.. اتحملتني واتحملت ظروفي وكانت معايا على المر قبل الحلو، قالتلي إنها كانت بتحب صوتي أوي ودايمًا بتصحى عليه في الفجر، وبتستنى كل صلاة عشان تسمع صوتي، حفظتها القرآن في خمس شهور، ربنا فتح عليا ووسع رزقي ومستوايا بقى أعلى من مستوى أسرتها إللي كانوا هيرفضوني عشان مستوايا.
هيا صبرت ونالت، تستاهل أقدملها الدنيا باللي فيها، عمري في يوم ما هونت عليها، عمرها ما جرحتني بالكلام ولا عايرتني ولا جت عليا، كل واحد عارف حدوده، كانت ومازالت نعم الزوجة والصديقة والأخت والأم.
سابت بيتها وأهلها وناسها عشاني، إزاي بس أزعلها في يوم؟ إزاي أ**رها أو أجي عليها؟ دي حتة مني!
عرفتِ ليه بحبها؟
مسحت دموعي _عرفت ياعم الحج، عرفت.
بصتله وهو ماشي وماسك عكازه بإيد، والإيد التانية فيها بوكية الورد، حقيقي نفسي ربنا يرزقني بزوج زيه..
زوج يفضل شايفني شابة مهما شِبت، يهديني وردة بدون سبب، يهديني قلبه بدون طلب.
(((((عمووو بتاعي ))))
=مستر عايزة أعمل كيكي يورن.
-مين؟! كيكي اي!!!
=كيكي يورن يامستر في التويلت.
-ااااه طب ما تقولي عايزه اعمل بيبي.. مالها كلمه خره يعني مش فاهم! لازمتها اي كيكي يورن!
-تؤ ميس حنين لو سمعتك بتقول الكلمه الياي دي مش هتحبك.
= يا صبر ايوب روحي يا انجي يا حبيبتي شخي.. اقصد اعملي كيكي خرا في التويلت، كان مالي انا ومال كيجي .
=يلا يا بنات البريك بدأ..أقفوا طابور وايدك على كتف زميلتك.
بحب شغلي جدا و بحب الأطفال و فخور إني مدرس رياض أطفال مع إن كتير أتريقوا على شغلي، بس انا مستمر في مجالي اللي بحبه، ده بغض النظر عن شلل الأطفال اللي بيجيلي من بعض الجمل المتكرره زي مستر عايزه أروح التويلت ،ويا مستر دي شدت شعري، و يا مستر ليه بتلبس قميص وبنطلون؟! مش فاهم عايزاني ألبس بدلة رقص مثلا! وأسئله كتير الغرض منها فقع مرارتي.
- اهو يا ميس.
لقيت انجي جايه ومعاها مدرسه تقريبا وبتشاور عليا.
قربوا عليا كإنهم داخلين يحاربوا..
=لو سمحت ممكن دقيقه من وقت حضرتك .. روحي يا انجي يا حبيبتي العبي مع صحباتك.
بصتلها باستغراب -اه طبعا اتفضلي
=اسلوب تعاملك مع الاطفال غير لائق والالفاظ اللي بتقولها قدامهم لا تجوز أبدا، من فضلك حسن أسلوبك وخليك متحضر شويه وبلاش الفاظ سوقيه عشان انت قدوه للاطفال دي.
وقفت متنح شويه اكيد دي ميس حنين بتاعه كيكي يورن!
- غير لائق! ولا تجوز !وسوقيه ! كل ده مره واحده .
=من فضلك بلاش سخريه !
ضحكت - سخريه !!انا اسف والله بس طريقه كلامك غريبه مش قصدي تريقه!
=تمام يا ريت تستجيب وتحسن الفاظك مع البنات عشان مضطرش أصعد الموضوع للاداره .
ايه الهبل ده ! انا اتهزق بسبب حته عيله قلتلها خره! كل ده عشان الكلمه دي! يا صلاه النبي.
كتمت ضحكتي - طبعا طبعا يا ميس اكيد هحسن اسلوبي حاضر ..و هتحضر وهكون لائق وجائز ومش سوقي حاضر.
رفعت راسها لفوق شويه ومناخيرها في السماء وبصتلي بقرف
= تمام عن اذنك.
ما لها دي اتهبلت في مخها خره عليها وعلى انجي ايه يا ربي ده!! بصيت في الساعه، عندي اجتماع بعد البريك جهزت اوراقي ودخلت المكتب، كل مدرس فينا بيعرض فكره تحفيزيه للاطفال او حل لمشكله ،وبما ان اغلبهم مدرسات ومينفعش افضل متنحلهم وهما بيتكلموا فببص في الورق وبكتب اهم الملاحظات ..
-احنا لو غرسنا في الطفل عاده كويسه وكبر عليها وغرسها في اللي بعده وهكذا شوفوا ايه اللي ممكن يحصل.. وكل واحد يغرسها في اللي بعده.
الصوت ده مش غريب عليا..رفعت عيني لقيت الميس بتاعه كيكي يورن اللي اسمها حنين هي اللي بتتكلم.. بصتلي بتحدي وكملت
-و برده لو غرسنا فيهم عاده سيئه وعلموها للي بعدهم شوفوا الجيل اللي طالع هيبقى عامل ازاي !!! احنا قدوه ومسؤولين عن الفاظنا وافعالنا، عشان هما بيقلدونا وبيقعدوا في المدرسه اكتر من البيت ،فإحنا لينا العامل الاكبر في تربيتهم.. يا ريت كل واحد يكون قد المسؤوليه .
حطيت ايدي علي قفايا بتوتر وبصيت في الورق.. ماشي حلو.. كل الكلام ده معروف بس مش معقول كل ده عشان قولت خره!!
اي الاوفر ده.
روحت البيت واتغديت معرفش ليه فضلت شاغله بالي هي اه مش جميله الجمال اللي واو بقى وكده، بس فيها حاجه غريبه بتشد ..مش عارف ايه هيا، افتكرت كلامها وضحكت....
عدي اسبوع على الموقف ده ،وكنا لما بنتقابل ابتسملها وهي ترفع مناخيرها في السماء وتودي وشها الناحيه التانيه
لحد ما جت في مره عديت من جنبها فابتسمتلها ،بصتلي ورفعت مناخيرها في السما كالعاده وهوب اتكعبلت لقيت نفسها نايمه على الارض..
محدش قالها ترفع مناخيرها للسماا! مقدرتش اكتم ضحكتي بصراحه مديت ليها ايدي، راحت بصتلي بغل كإن انا اللي وقعتها مثلا..لمت حاجتها ورفعت مناخيرها في السماء برده وكملت طريقها ولا كإن حاجه حصلت ..مبتحرمش!
انا **مت اعرف عنها كل حاجه ..مجرد فضول مش اكتر.
دخلت مكتب التقديم..و اللي سهل عليا الدنيا ان السكرتير كان صاحبي..
_ محماااااااااد كيفك يا شبح.
خلع النظاره =فوق يا حبيبي احنا في المدرسه مش في الشارع بتاعنا !
_يا عم الرزين انت.. بقولك محتاج خدمه .
=قول كده بقى!
_ده انت حبيبي والله هبقى اعزمك على شاورما..عايز ادور على حاجه في السي ڤي بتاع المدرسين الجدد
=هق هق هق اسامه انت عارف ان ده ممنوع ..اطلع بره ياض.
عملت نفسي همشي ورحت عند الباب..
_طيب هقول لخطيبتك على ميس هبه اللي انت عزمتها على قهوه..لازم برده تكون عارفه عنك كل حاجه ..ولا ايه؟
مسك في هدومي =لا لا لا خلاص انت عايز تموتني!! قول يا زفت اللي عايزه وانجز عشان لو اتقفشت هنروح في داهيه.
رجعت البيت وحنين مسيطره على تفكيري.. معرفش ليه !
عرفت اسمها بالكامل وعرفت ان باباها دكتور معرفه وبروحله علطول ،وعرفت هي ساكنه فين و عندها كام سنه و اشتغلت فين قبل كده وكل حاجه عنها عرفتها ..بس معرفش هي مرتبطه ولا لأه.. فكرت في حاجه كده ونويت انفذها بكره..
_ميس انا جبتلك هديه عشان بحبك.
= يا روح قلبي يا اميره هديه ليا انا هاتي بوسه ايه القمر ده.. الخاتم حلو اوي.
_ألبسيه بقا ياميس.
=حاضر يا روحي الله جاي على قدي كمان..
اميره ببراءه _ماما قالتلي ان بابا لبسها خاتم زيه... انتي عندك عمو لبسك خاتم زي ماما؟
ضحكت _لا ياروحي ربنا لسه مرزقنيش بعمو يلبسني الخاتم.
جه وقت البريك.. وقفت في الحوش عند المكان اللي اتفقنا عليه ورا شجره كبيره.. بصيت حواليا بقلق.. هي اتأخرت ليه؟!
اخيييرا جت.. _ها ياكوكو عملتي اي
رفعت صباعها وحركته يمين وشمال =تؤ تؤ سلم واستلم..
دي دماغ طفله دي! طلعت كيس مليان شوكولاته وشيبسي وحاجات حلوه وقولتلها بابتسامه صافره _اتفضلي يا استاذه اميره.
بصت للكيس بفرح وبدأت تاكل الشوكولاته بشراهه =متخافش مش متجوزه.
بصيت للشوكولاته نظرة شفقه _وانتي عرفتي ازاي..أدتلها الخاتم اللي انا ادتهولك؟
=اه وقولت كل الكلام اللي قولتهولي وقالتلي لسه عمو بتاعها مجاش.
_عمو بتاعها! طب امشي دلوقتي يا اميره واياكي حد يعرف حاجه.
_بناااات جاهزين؟! يلا اهي جايه.. بسرعه بسرررعه كله مكانه..
بصيت حواليا وإتأكدت من كل حاجه... البلالين والزينه وكل حاجه تمام.. هيا مجازفه مني وياارب تنجح.. معرفش انا اتقلبت مراهق كده لي! حاسس نفسي صغرت في السن فجأه ومستعد اعمل اي حاجه عشان افوز بالبنت اللي عحبتني.. حتي لو هكون في نظرها زي المراهق اللي اول مره يحب! انا مش عارف رد فعلها.. ومعرفش شعورها ناحيتي! بس هخليها تحبني..راجعت جدول الحصص واستأذت اني اخد حصه احتياطي قبل حصتها عشان اعرف انفذ اللي هعمله.. زينت الفصل كويس جدااا والبنات ساعدوني ..حاولت اشرحلهم الحكايه وفهموني... واكتشفت كمان ان الاطفال دماغهم سوسه...اول ما قولتلهم بصولي كده بخبث لدرجه اني اتحرجت.. حسيت انهم عايزين يقولوا احنا فاهمين كل حاجه!
حصتي خلصت ومعاد حصتها بدأ.. جت وخبطت علي الباب ودخلت..لقيتني واقف في وشها!
ارتبكت وبصت للبنات.. كلهم وقفوا وابتسمولها.. بصت حواليها..
_هو في اي؟!
اتكلموا في صوت واحد =مستر اسامه عايز يكون عمو بتاعك!
بصتلي باستغراب! _عمو بتاعي!
=عايزك تعلميني ازاي اتعامل مع الاطفال كويس ومقولهومش الفاظ خارجه..واكون متحضر ولائق وجائز ومش سوقي.. تقبلي؟!
_اقبل اي!!
=اكون عمو بتاعك.
ضحكت اوووي _اي عمو بتاعك دي!
_طب ما انتي بتعرفي تضحكي اهو... مش انتي قولتي لأميره "عمو بتاعي لسه مجاش"!
=انت عرفت منين!
_هفهمك اما تجاوبي.. تقبلي اكون عمو بتاعك؟!
_هتقول كيكي يورن؟!
هقول كيكي يورن.
((((( اختاروا صح ))))
_يلا اختار بسرعة..محروقة ومحمرة ولا نية ومحمرة؟
=اختار إيه ياحنين إنتِ ع**طة؟
_يابني الأكل على النار انجز.
=ما تعملي مكرونة زي خلق الله! ليه أكُل مكرونة نصها متحمر ونصها محروق؟ عملت إيه في حياتي.
_ياحبيبي ما إللي كان موجود كيسين من نوعين مختلفين وأما جيت أحمرهم مع بعض واحد اتحمر والتاني مش راضي.
=مش راضي! طب ومنزلتيش اشتريتي ليه كيسين زي بعض!
_عشان ده تبذير، ليه اشتري مكرونة وأنا عندي؟
=تبذير! يعني مش **ل؟
_تؤتؤ، تبذير.
=صبرني يارب، اعملي نصها محمر ونصها ني ياحنين.. أنا ليا الجنة.
_زوجي قرة عيني حالًا وهيكون الأكل قدامك.
_حنين الباب بيخبط إنتِ مستنية حد؟
=لا، شوف مين طيب.
افتكرته بتاع الكهربا ولا الميا وكملت عمايل الأكل عادي، لقيت أسامة داخل وبيقوللي إن أخته جت!
أخته! أخته إللي بتكرهني عشان أسامة اتجوزني وساب صحبتها!
_أسامة أعمل إيه؟ أقا**ها إزاي؟ وكمان مفيش أكل ينفع يتقدم غير المكرونة دي والبانية.
=في إيه يا حنين إنتِ خايفة كده ليه؟! إهدي ياماما أنا معاكِ مفيش حاجه، إللي عندك قدميه ومتشغليش بالك.
_بس.. بس المكرونة مينفعش تتقدم دي نصها ني ونصها مستوي.
=شششش طلعيها وملكيش دعوة.
سلمت عليها، وكالعادة بتعاملني ببرود وق*ف مع إني حاولت أ**بها بكل الطرق ومفيش فايدة.
قعدنا على السفرة..
_إيه ده ياحنين ههههه إنتِ مش عارفه تحمري المكرونة يابنتي! ههههه وكمان حاطة نوعين على بعض ههههه ياعيني عليك يا أسامة متجوز واحدة مش عارفه تطبخ.
أنا قاعدة في قمة إحراجي ومش عارفه أنطق وخلاص هعيط، لقيته مسك إيدي وباسها وحط إيده التانية حوالين كتفي وبصلي وابتسم =أي أكل من إيديها بعشقه، كفاية إنها عملاه بكل حب ليا.. وبعدين أنا إللي حبيت أساعدها فحمرت المكرونة وأنا إللي حطيت النوعين على بعض، وحاجة كمان.. أنا مسمحش لحد بإنه ييجي على زوجتي، عشان إللي بيهينها معنى كده إنه بيهينني، وإللي بيحبني لازم يحبها عشان أنا وهيا واحد، أنا بعتذرلك بالنيابة عن أختي ياحنين.
بصتله ودمعت، كل يوم بيخليني أحبه أكتر وأكون عايزة أديله العالم كله، حنيته بتخليني عايزة أحضنه وأعيط.. الحمدلله إن اختياري كان صح.
اختاروا صح، دوروا على إللي ترتاحوا معاه، الحب مش كل حاجة، زهوة الحب بتروح ومش بيفضل غير "المودة والرحمة" هتشوفي زوجك وهو تعبان وفي أسوء حالاته، وهو هيشوفك في أسوء حالاتك وشعرك منكوش والهالات السودا حوالين عينك.. اختاروا حد تتقبلوا شكله بس، مش شرط الجمال؛ عشان أما شبابكوا يروح وتبقوا عواجيز تقدروا تكونوا سند وضهر لبعض.
((((( ليه الحب يوجع القلب ؟)))))
_يا محمد أخوك مش راضي يحبني!! ده حتى بينادينى جعفر.
= معاه حق طبعا ميحبكيش.. انتِ مش بتبصي في المرايه خالص؟ ده أنا عندي أنوثه أكتر منك.
_محماااااااااااااد.
= أقصد إن كلك أنوثه.. أخويا ده حمار، أنا هحبك سيبك منه.
_لو فتحت بقك تاني هقطعك وأرميك للكلاب.
=طب حاسبي بس عشان ودانك بتطلع نار.
_ركز معايا عايزين نحط خطه محكمه الصنع عشان أسامه يحبني.
= محكمه الصنع!!!!! انتي لسه بتتف*جي على سبيستون؟
_ يا زفت ركز معايا عشان والله هفش غلي فيك.
=هااا فيش سمكه، وهاا ديش طبق.
_آآآآآآآآه سيبي ذراعي يا مفتريه ربنا يكون في عونك يا أسامه يارب خلاص هركز يا عضاضه.
=عشان تبطل تستفزني هااا بقا فكر معايا!
_أمري لله.. بصي يا ستي، عايزك تكوني أنثي قدامه.. يعني ت........
_ليه يا روح ماما شايفني بشنبات قدامك ولا ايه؟ ده انا اقعد عليك أفرمك..
=هو ده اللي انا بقول عليه، ياحبيبتي خليكي أنثى لاااا... اخرسي متقاطعينيش أولا: صوتك يبقى هادي خالص ومتزعقيش وإتكلمي برقه وبصي في الأرض، وإضحكي برقه برده وبلاش ضحكه الرقاصين دي! ثانيا: الطرحه الفحلقي دي اللي كل مره بتنزلي بيها دي ولعي فيها والبسي طرح بناتي بينك.. مووف وكده يعني.. ده كله كوم وبنطلون الولد بليه اللي انتي لابساه ده كوم تاني.. أبوس إيدك البسي فساتين أو جيب بلاش بناطيل الولاد دي.. إما بقى يا ستي شبشب الحمام ده بلاش منه.. وإلبسي شوز رقيق أو صندل بناتي كده وبس كده.. الكورس ب 200 جنيه وكده اخذنا كورس دوبل يبقي 400 جنيه العفو والعفو ما تشكرينيش.
_عارف يا محمد.. أنا كان نفسي من زمان ألاقي حد زيك كده.
=بجد شوفتي بقا انا كيوت ازاي! أنا تحت أمرك.. هو انتي بتمسكي شبشبك ليه؟ آآآآآآآآآآآه
_أنا هقولك مسكاه ليه طراااااخ.. مش ده شبشب الحمام اللي انت عايزني أقلعه؟ هقلعه حاضر.. طرراااااااخ انا معنديش أنوثه صح؟ طرااااخ.. أنا بتقول عليا بليه؟ طرااااخ انا بلبس فحلقي!!! طرااااخ.. أنا ضحكتي زي ض.........
=إييه في ايه!! حيلك الولد هيموت في إيدك باااااس.
_سيبني عليه والله هموته وسع يا أسامه.
=اااه يا دراعي اااه ياراسي مش قاادر، أسامه اوعي تحبها.. دي عايزه تقتلك وانت نايم.
_إجري ياجباان.. وسع يا اسامه، سيب ايدي يا أسامه والله لوريك يا حيوان.
=بس يا ماما.. في إيه طيب احكيلي؟
_غور من وشي انت التاني! انت وأخوك هتجيبولي المراره..
والله!!
ضحك =بس إتصدقي بتبقى عسل وانتي متعصبه كده!
هديت ونسيت كل حاجه! هو ضحكته حلوه كده لي؟ وشه بينور إما بيضحك..
=إنتي مبحلقه فيا كده ليه؟
_إحم.. عشان متضايقه!!
=طيب تعالي أفسحك ونركب مراجيح.
كان نفسي أوافق وأركب مراجيح بس كده هيقول عليا طفله ومش هيحبني!!
_لاا أنا كبرت ومش بركب مراجيح.
=طيب بالراحه على نفسك ما ترفعيش راسك فوق اوي كده يا كبيره خلاص هنشرب عصير ونتمشي على الكورنيش يا ستي!
=أوووووف انا هروح بس عشان أنا هفتاانه مش اكتر! _هفتاانه!! طب يلا قدامي!
=لا طبعا هغير هدومي الأول.
رفع حاجبه باستغراب، ده من امتى ده!! ما انتي علطول بتخرجي معايا كده!
_ملكش دعوه أنا هاخد شاور عشان الجو حر..وألبس حاجه خفيفه وأنزل.
=آآآآه عشان تنزلي على واحده بالليل يدوب عقبال ما تخلصي!
=لا ده أنا هخلص فوريره استناني هناا وهنزل علطول! نص ساعه بالكتير!
بصيت لنفسي في المرايه وكلام محمد بيدور في دماغي! هو أنا فعلاً مش زي باقي البنات لي؟ ليه بحس إن أنا مياله للبناطيل والتشيرتات زي الولاد؟ ليه صوتي عالي؟ يمكن عشان اتربيت مع ولاد خالي الصبيان فبقيت أعمل زيهم؟! يمكن عشان كده أسامه مش شايفني بنت؟ طيييييب أنا هوريه الأنوثه على حق وحقيقي!!
_ علفكره عدي ساعه..كل ده بتلب.....
بصلي وتنح ونسي بؤه مفتوح.. أنا فعلا ات**فت وبصيت في الأرض..
=بسم الله الرحمن الرحيم!!!
دعك عيونه وغمض وفتحها وغمضها وفتحها تاني..
=إيه ده في إيه... انتي حقيقيه لا مش معقول!! انتي مين؟
كل ده عشان لبست فستان وطرحه بناتي زي ما محمد قال شكرا يا محمد..
_يلا هنتاخر بجد.
=انتي بالذات ما تتكلميش عن التأخير يلا قدامي يا جعفر.. هو لي بيقوللي جعفر؟
كشرت... _اسمي حنين على فكره.
حط إيده في جيبه و بصي قدامه و سرح.. طب قوللي طب سرحان في إيه؟ هحبك والله.. طول الطريق وهو كده.. هو على طول بيهزر أنا مش عارفه هو ماله.
_أسامه عايزه مصاصه بالفراوله عشان تبقى شفايفي حمراء وكده.
= ليه؟ ماشي مع طفله! واضح فعلا إنك كبيره.
_ انت بارد وغلس علفكره.
=خلاص متتقمصيش هجيبلك.
روحت البيت و دخلت أوضتي و قلعت الفستان ورميته وقعدت أدوس عليه برجلي، مش ده اللي هيخليه يحبني.. مش ذنبي ان هو خلاني أحبه من صغري مش ذنبي ان ماما وبابا ماتوا وسابوني مع ولاد خالي، و مش ذنبي ان هو كان واقف جنبي على طول و كنت شايفاه البطل بتاعي..
_إيه ده انتي قاعده هاديه ومش هتقوليلي اسطوانه كل يوم و يا محمد أخوك مش يحبني وكده؟
_طب انتي مكشره ليه أنا اللي اتض*بت بالشبشب امبارح مش انتي.
محمد طيب وكل حاجه بس شايفاه أخويا ومش قادر اشوفه غير كده..
=عايز إيه يا محمد؟
_لا انتي متضايقه بجد.. احكيلي في إيه.. مفيش يا محمد.
قعد جنبي.. لا في، احنا مش أصحاب؟ يلا قولي... آآآآآه شعرااااي شعررااي يامتوحشه.. اه سيبي شعري.
=انا لسه منستش اللي قولته امبارح.. ده انا هموتك في ايدي.
_خلاص والله انا آسف.. هد*كي كورس مجانا.. انتي أجمل أنثى على وجه الأرض.
ابتسمت بغرور =ما انا عارفه يلا إتفضل عايزه خطه جديده عشان العك بتاع امبارح ده مش نافع.
_يا ولي الصابرين طيب أول ما ينزل هتقوليلي إن في شاب بيحبك في الجامعه و عايز يجي يتقدملك رسمي وكده.
=هو كده هيحبني بقا، انت قديم أووي.. يا ابني انت مستغني عن حياتك قولي وهريحك والله.
_هششششش أهو جاي وراكي قوليلي يلا و مالكيش دعوه.
=هو أصلا من الجامعه وقال إن هو بيحبني وعايز يجي يتقدم رسمي فعايزاك ت.........
_ مين ده إن شاء الله؟
لفيت و بصتله وأنا عامله م**وفه = في عريس جاي يتقدم لي يا أسامه.
_ما عندناش الكلام ده انتي لسه صغيره.. لا أنا مش صغيره وانا بحبه وهوافق عليه وإن كان عاجبك!
=قلت لا كلمه واحده تتسمع.. فاهمه؟
برقت وكنت خايفه فعلا.. أول مره أشوفه بيزعق كده.. عمره ما زعقلي جريت على أوضتي واترميت على السرير وفضلت أعيط.. الباب خبط،
_ممكن أدخل؟
مسحت دموعي، =اتفضل.
بصلي.. _أنا اسف مقصدش أزعق.. أنا بس كنت متضايق شويه طيب خلاص هاجيبلك شيكولاته.
قعد جنبي على السرير وتلقائي حطيت راسي على كتفه زي ما كنت بعمل وأنا صغيره.. اتن*د كإن في جبل علي ص*ره. =بتحبيه؟!
_مبحبهوش..
=أومال قلتي كده ليه؟
بدأت اعيط تاني... _عشان.....عشان أضايقك.
إبتسم = يعني عمرك ما حبيتي؟
_حبيت!
اتنفض ووقف قدامي.. _هو مين؟
=بتسأل ليه؟ كده كده مش بيفكر فيا ولا عمره هيتقدملي استريحت؟
_مين؟
=مش هقول.
مسك دراعي جامد، _مين يا حنين؟
كنت مخنوقه اووي وعايزه انفجر في العياط تاني
= هو واحد غ*ي اصلا مبيحسش بيا! انا بحبه من زمان بس هو مش شايفني!
دموعي نزلت غصب عني عيط كتيرر.. مسكت التيشرت بتاعه.. فضلت اعيط، بس هو محاولش يهديني فضل باصص للأرض وملامحه مش باينه... بعد ما هديت شويه قال..
_عارفه يا حنين أنا كمان حبيت واحده بس هي مش شايفني.
قلبي اتقبض اووي وحسيت انه هو هيقف.. أسامه بيحب!!
=هي مين؟
_مش شايفاني و بتحب واحد تاني مش شايفها برده.
ضحكت جامد.. =هو ليه الحب بيوجع القلب؟ ليه لازم نتوجع اما بنحب؟ أنا مكنتش عايزه أحب.. بس غصب عني لقيت نفسي بدوب فيه و حبيت الشعور ده أوي فسبت نفسي ادوب.. بس اتوجعت في الاخر عشان هو أصلا مش شايفني.
_كبرتي يا حنين.
=الوجع بيكبرنا بسرعه لازم تتوجعي عشان تتعلمي وتكبري مش هينفع تفضلي صغيره.. العالم بره وحش، وانتي بريئه.. لازم تتوجعي وتكبري عشان تقدري تعيشي في عالمنا ده.
_كبرت يا أسامه.
رفع حاجبه.. لا الله يكرمك بلاش حاجبك هحضنك والله..
=انتي بتقلديني علفكره! احكيلي عن الولد اللي بتحبيه.
_احكي اقول ايه؟
=قولي اللي تعرفيه عنه عايز أعرف مين ا****ر اللي خ*ف قلبك وهو مش حاسس.
ابتسمت وسرحت...
_عادي مش عارفه حاجات كتير.. هو بيحب اللون الاسود، بيحب القهوه ساده وبيكره الجرافته، بيروح الشغل الساعه٧ ويرجع 4 العصر وعنده حزام أ**د في الكاراتيه وبيحب السباحه و كل يوم بيقعد على البحر وهو راجع من شغله و بيلعب بلاي ستيشن مع أخوه وبيغلبه علطول، وعينه عسلى، وشعره أ**د، دي حاجه بسيطه عنه.
بصيتله..هو مبتسم كده ليه؟
= هو عنده 27 سنه؟
_اه هو انت تعرفه؟
=و اسمه أسامه؟
_اه.. اقصد لا... مش اسمه أسامه!!
أتعصبت.. _إيه في أي؟؟
=مفيش.. هو بيحب واحده اسمها حنين وهي حماره زيه ومتعرفش إن هو بيحبها.
_ إيه ده في إيه؟
=في إن عندنا اتنين حمير بس مش أكتر.. بالمناسبه الواد اللي عنده 27 سنه أبو عيون عسلي اللي مسمهوش أسامه كتب كتابك عليه النهارده.
_إيه ده في إيه؟؟!!
=قومي ياموكوسه طلعتي عيني وعماله تقوليلي أنت اخويا وانت نيله لحد ما فقدت الأمل.. ده أنا هطلعه عليكي.. يلا جهزي فستان عقبال ما أجيب المأذون، يا اللي بتحبي واحد مسمهوش أسامه بس هو بيحبك.
((((﴿(كانت لي )))))
لسة بتحبها يا أدم .. !
- عرفت إزاي ..
بتتكلم عنها كتير من غير ما تحس .. وبتسرح بعد ما تتكلم عنها
- أيوة لسه بحبها .. هي عمرها ما أذتني في حاجة يامحمد ..
طيب وسيبتها ليه أنا فاكر يوم خطوبتك كنت طاير من الفرحة .. عمري ما شوفتك مبسوط بالطريقة اللي كنت مبسوط بيها في اليوم ده .. !
- سيبتها عشان كانت معقدة كنت بعمل كل شئ عشان علاقتنا تتصلح بس هي كانت دايما تحط العقدة قدام المنشار .. يابني دا أنا مرة بقولها بحبك ردت وقالتلي " ربنا يعزك " أمال لو مكنتش إبن خالتها كانت أقامت عليا الحد .. !
معاك حق في دي بس أنا مش عارف ليه بحس تجاه البنات دي بحاجة غريبة .. يعني مثلا مش هي بنت وعندها مشاعر طيب ليه بتصد الإنسان اللي شاريها بالطريقة الموحشة دي وفي الأخر كلهم يشتكوا من جفاف المشاعر ونقص الإهتمام دي بنات تسد النفس والله ..
- ربنا يهديها بس حقيقي نفسي دماغها تتظبط شوية أنا مش عارف أنساها بس في نفس الوقت دايما بتجنب أروح عندهم حتي معرفش إتخطبت ولا لسه .. مش بسأل أمي عليها نهائي ..
أكيد إتخطبت يابني إنت سايبها من أربع سنين ...
- مش عارف يامحمد بس هي مش من النوع اللي بينسي العشرة بسرعة وخصوصا إننا متربين مع بعض أنا حقيقي مش قادر أفهمها ..
- عارف يامحمد أنا كنت عندهم مرة وأتكعبلت في حاجة وكنت هقع عيطت جامد وبقت متوترة وقعدت كل شوية تقولي " أنت كويس .. ! " طيب إتاذيت لحد ما هديتها وقولتلها " يابنتي مش مستاهلة كل ده محصليش حاجة .. "
ربنا يهني سعيد بسعيدة ياسيدي .. وترجعلها بقا عشان نخلص من همك التقيل ده ..
- والله خالتي عاملة عزومة رمضان بكره وبقالي أربع سنين مسافر ومحضرتش العزومة من يوم ما سيبتها العزومة الأخيرة طبعا مقدرش مروحش دي عزومة العيلة بس حقيقي أتمني مضعفش ولا قلبي يدق ليها من تاني ..
توكل علي الله ومتنساش صاحبك في ورك فرخة وصينية بشاميل ..
- ياخي سبحان الله طول عمرك طفس متغيرتش
الله وأنا مالي يالمبي دي بطني هي اللي طفسة
- أنا ماشي ياعم ألحق أنام شوية قبل السحور هنمشي بعد السحور أنت عارف بقا مشوار من القاهرة للأسكندرية متعب
ماشي ياعم أنت هتحكيلي قصة حياتك مشي بقا ..
- طيب ياطفس
أدم .. أدم أصحي يابني هنتأخر علي خالتك
- ياماما نفسي أنام شوية أبوس أيدك ..
معلش ياحبيبي عشان نوصل بدري وأساعد خالتك يلا وأبقي نام هناك ..
- ماشي ياست الكل صحي سحر وأنا جاهز أهو ..
- أتسحرنا وصلينا الفجر ودخلت لبست كوتش أبيض وبنطلون أ**د وقميص أبيض وجبت الكاميرا بتاعتي اللي متعود أصور بيها العيلة كل مرة ونزلت حضرت العربية ومشينا بس حقيقي كان نفسي أنام أصلا النوم بيوحشني وأنا نايم إتمنيت للحظة تكون سارة متخطبتش ويكون تفكيرها كبر مع سنها وعقلها نضج شوية ..
- وصلنا وهدير بنت خالتي الصغيرة اللي إستقبلتنا مع إنها هي اللي كانت بتستقبلنا كل مرة بإبتسامتها الجميلة اللي بتخ*ف قلبي بيها ..
- دخلت سلمت عليهم وبمد إيدي أسلم عليها بصتلي بعيونها الزرق وقالت " شكلك نسيت إني مش بسلم .. "
- يا**فتك ياحازم بدل ما أسلم عليها سلمت علي قفايا إستأذنت وقفلت الأوضة ودخلت نمت
- هدير صحتني علي أذان المغرب طبعا كلنا قاعدين مستنين معالي الوزيرة بتصلي المغرب قبل الفطار قال يعني الدنيا هتتهد لو فطرنا الأول ..
- خلصت صلاة وفطرنا وبعدين دخلت أوضتها غيرت لبسها ولبست دريس أ**د علي خمار أوف وايت وخرجت للبلكونة .. مش عارف خرجت وراها ليه .. !
- إزيك ياسارة .. !
الحمد لله تمام
- خطيبك عامل إيه .. !
- مش عارف بقولها كده ليه بس عندي فضول أعرف وأطمن نفسي ..
- بصتلي وإبتسمت بغمازاتها اللي تقريبا وراثة في العيلة وقالتلي أنا مش مخطوبة ومش بفكر في الموضوع ..
- ليه إن شاء الله هتخللي " بقولها كده وقلبي طاير من الفرحة أصلا .. "
أيوة لسه ملقتش المناسب ..
- يعني أنا كنت مناسب ياسارة .. !
من فضلك يا أدم عاوز تقف أٌقف وإنت ساكت إنت ليه بتفتح في القديم .. !
- هه وأنا هفتح ليه عادي بس إنت مش مخطوبة ها وغمزتلها ..
- ضحكت وإتن*دت تنهيدة كلها تعب وإرهاق وقالت " هو أنا أذيتك في أيه يا أدم عشان تسيبني .. ! " .. قولتلي " كل حاجة نصيب ومشيت سافرت .. "
- قلبي إنتفض من السؤال وقولت " عشان مش بتحبيني "
وعرفت إزاي كنت دخلت قلبي .. !
- تصرفاتك ياسارة عمري ما سمعتها منك .. بشوف صاحبي دايما مبسوط مع خطيبته وبيخرجوا وأنتي مقفلاها كان نفسي أفرحك وإنتي مش عايزة تفرحي نفسك طريقتك معقدة أوي حتي السلام مبتسلميش ..
طيب هسألك سؤال يا أدم السيدة عائشة معقدة .. !
- لا طبعا
طيب ما هي مكنتش بتسلم علي رجال .. في خطبتها مع النبي مكنش في بينهم تجاوزات .. ده مش تعقيد يا أدم ده حفاظ علي النفس من الف*نة أول مرة أسلم عليك تاني مرة أحط إيدي في إيدك .. تالت مرة شوف بقا هيحصل تجاوزات عاملة إزاي .. !
تخيل لو أنا كنت مخطوبة قبلك وقولتله الكلمة دي وخرجت معاه ومسك إي..
- بس ياسارة متكمليش ..
- مجرد التخيل وجعلي قلبي كلامها عرفني ليه البنت بتحافظ علي قلبها في فترة الخطوبة .. البنت اللي بتحافظ علي نفسها عمرها ما كانت معقدة إحنا كشباب اللي بنكون باصين للموضوع بطريقة شهوانية أكتر .. هي بتحط حدود عشان ده مجرد واحد لابسة دبلته ويوم ما هتخلع الدبلة بقي غريب زيه زي غيره .. بتحافظ علي نفسها عشان لما تسيبه متبقاش خانت العهد مع اللي هيخطبها بعد كده ويبقي زوجها .. !
- هو أنا مستعجل ليه حقيقي أنا كنت مغفل لما فرطت فيها يعني كنت هفرح لو إتجوزت واحدة متعملش بينا حدود في الخطوبة وبعد الجواز أزهق منها عشان ساعتها مش هلاقي ليها مشاعر وهنكون إستنزفنا كل مشاعرنا في علاقة كانت حرام وقتها .. !
- سارة كل مرة بتديني درس بيعلمني كتير وكأنها بتض*بني بالقلم عشان تفوقني بس بطريقة غير مباشرة ومن حسن حظي إنها لسه بتحبني وربنا لسه شايلها ليا من رحمته بقلبي .. " شكرا يارب إنك حافظتلي علي الهدية دي لحد ما عرف*ني قيمتها .. "
- خرجت من شرودي وقولتلها :
" تتجوزيني ياسارة .. ! "
- عيونها لمعت وشهقت جامد وقالت ببكاء مكتوم " عرفت ليه كنت معقدة يا أدم ... ! "
- عمرك ما كنت معقدة أنا اللي معقد أنا اللي مكنتش عاوز أشوف فرحة كتب الكتاب مكنتش عاوز أحس ب*عور أول مسكة أيد قدام الناس كلها أنا أسف علي الأربع سنين دول .. أسف علي كل لحظة وجعت فيها قلبك ..
- سمعت صوت هدير من ورايا وهي بتقول كانوا أسوأ أربع سنين مروا عليها كانت كل يوم تصلي قيام الليل وتقول " يارب أنا عمري ما عصيتك فيه وتركته ليك إكتبه ليا "
ولما كنت بسألها وبقولها ليه بتدعي بحد مش عاوزك كانت بترد وتقول " حاشاه ربي أن يخذل قلب دعاه في جوف الليل .. عندي يقين إن ليه أسباب قوية ومش زعلانة منه .. "
- بكيت من كلام هدير وبصلتها لاقيتها بتبكي حسيت نفسي صغير قوي قدامها .. رجولتي إنهارت قدام إيمانها .. قولتلها " أنا والله عمري ما نسيتك وفهمت تصرفاتك معايا عدم إهتمام وعدم حب أنا عمري ما بطلت أحبك وكنت كل ما أحاول أنساكي مكنتش بعرف كنت بخسر المعركة وقلبي كان بيفوز علي عقلي وكنت بشوفك في كل البنات
- دخلت من البلكونة وطلبت من باباها نكتب الكتاب الفرحة كانت باينة في عيونه لإنه مربيني وبيحبني ..
سمعت صوت المأذون بيقول " بارك الله لكما وبارك عليكما وجمع بينكما في خير "
- لاقيتها جرت مسكت إيدي زي الطفلة وقفت ساكت وساعتها فهمت إن مبقاش في حاجز يمنعها تحبني بكل جوارحها وتوهبني روحها وحياتها وكل حاجة .. حضنتها جامد وضلوعي طبعت علي ضلوعها ودقات قلوبنا بقت واحدة .. بعدتها عني شوية وقولتلها " مكنش ينفع تكوني لغيري لإن ربنا كاتبك علي اسمي أصلا وحكمة ربنا دايما بتغلب .. قلبي مخلوق لأجل يحبك .. "
" كانت لي فأصلحني الله لأفوز بها " ! ?
- ผู้เขียน
