Ilang araw ang lumipas. Bagamat hindi man nagtagumpay sa ginawang operasyon noong nakaraan ay nai-secure naman nila ang tatlong babaeng tinangkang iligtas. May mga nahuli rin silang ibang suspect pero karamihan ay nakatakas. Dahil sa nangyari ay nagpatuloy ang kanilang paghahanap sa mga suspect pero dahil wala nang pahinga ay nag-request si Yani ng isang araw na off sa trabaho. She needs it, dahil hindi lang iyon ang inaasikaso niya pati na ang nabinbing kaso ng mga magulang.
Paulit ulit na tunog ng telepono ang gumising sa kanya noong umagang iyon. Pikit pa ang mga mata ng kapain niya ang telepono na nakapatong sa night stand katabi ng hinihigaang kama. Pilit niyang binubuksan ang mga mata para alamin kung sino ang tumatawag. Nakita niya na pangalan ni Buknoy ang paulit ulit na nagrereh
