Halos lahat na yata ng bagay na pangarap ng isang babae ay meron na kay Samantha - happy family, friends, wealth, stable job, beauty and brains. Para sa iba ay perpekto na ang buhay ng dalaga. Pero sa kabila ng lahat ng ito ay hindi pa rin kompleto ang sayang nararamdaman ni Sam. Sa bawat umagang dumadating sa buhay niya ay lagi siyang naghahanap ng kasagutan. Araw-araw ay nagigising siyang may kulang hanggang sa dumating ang araw na pinakahihintay niya. Ang araw na siyang magsasampal sa kanya ng kasagutan sa mismong tanong niya. Isa-isang sumulpot ang mga kasagutan sa tanong niya. Noon lamang niya napagtanto na ang kulang sa buhay niya ay matagal ng nasa harapan niya at minsan ay ang nagiging dahilan ng tahimik niyang pagluha.