Nagkaroon ng amnesia si Azria nang ika-15 taon kaarawan niya dahil sa trauma na kaniyang nakuha matapos masaksihan ang pagpatay sa kaniyang pinakamamahal na Ina.  Nagsimula siya ng bagong buhay kung saan masaya at hindi dala ang ala-ala ng trahedyang nangyari nang gabing iyon. Sa pag-aaral niya sa Avizta International School ay makikilala niya si Kyle na kung tawagin ng iba ay Psycho at mahuhulog ang loob nila sa isa’t isa. Ngunit sa pagdating ng pag-ibig, muli kayang magbabalik ang nalimutan na sakit? Ang pagsasamang sinimulan, tuluyan nga bang masisira dahil sa pagbabalik ng bangungot na matagal na niyang tinatakasan?