NAPATDA si Gio sa ginawa ni KC na biglaang pagyakap nito sa kaniya. Ilang sandali silang nanatiling ganoon ang senaryo. Hindi niya iyon inaasahan dahil ang gusto lang naman niya ay takutin ang babaeng kinaiinisan niya nang husto. Napapikit nang mariin si Gio at marahang pinalis ang mga kamay ni KC. Hinarap niya ito nang may seryoso ang mukha. Bakas sa mga mata ni KC ang matinding takot. Nang mga oras na iyon ay awa ang naramdaman niya. Ipinilig niya ang ulo at tumalikod. Pakiramdam niya ay nag-init ang magkabilang pisngi niya.
“Bahala kang mag-isa r’yan! Matutulog na ako.”
Naglakad siya palayo at mabilis na pumasok sa kwarto niya at ni-lock ang pinto. Humugot siya ng malalim na hangin at napasuklay ng buhok niya paitaas. Inilang hakbang niya ang kama at pabalyang humiga. Pinagsusuntok
