Ilang linggo ang lumipas mula no'ng graduation at tuloy pa rin naman ang buhay ko. Medyo nakahinga na dahil lumuwag ang schedule. Tanging work na lang ang inaasikaso ko. Mayro'n akong dalawang work ngayon.
Sa umaga, waitress ako sa isang coffee shop, at sa hapon naman ay diretso ako sa condo unit ni Riu para gawin ang task ko. Of course, sumasahod na ako ulit sa kanya dahil hindi niya na shoulder ang school fees ko.
"Daphne, table three!" Rinig kong sigaw ni Ate Candy.
Lumapit ako sa kanya at kinuha agad ang tray na naglalaman ng order. Lumabas ako ng kitchen at mabilis na naglakad papunta sa table three.
Nag-iisa lang ang itong coffee shop rito sa lugar na 'to kaya marami talaga ang nagpupunta kada araw. Marami kaming regular customer dahil dito kadalasang tumatambay 'yong mga nag
