"Aalis na ako sa kanya!" Malakas na sigaw ko at sininok sa huli. Nilahad ko ang baso ko kay Ren at nginusuan ito. "Another!" Ma-awtoridad na sabi ko at mas nilapit sa kanya ang baso.
"Ah, Daphne... I didn't know you like drinking this much..." Tatawa-tawang aniya at sinalinan nang alak ang baso ko.
Tuloy-tuloy ang pagsalin niya kaya umapaw iyon. Nilayo ko agad sa kanya ang baso at ininom ang laman no'n. Tumapon ang ilan sa damit ko kaya napangiwi ako at pinunasan ng panyo ko ngunit ayaw nang maalis ng stain.
"Kai–!" Hindi ko na naituloy ang sasabihin ko sa biglaang pagsinok. Umikot din ang paningin ko kaya tinukod ko ang kamay sa malapit na sofa. "Kakabili ko pa man lang din ng damit na 'to..." Mahinang reklamo ko at mas ngumuso.
"Ate Daphne, you should rest na po..."
"Huh?! Sino
