Mula nang magpunta kami sa hospital at kausapin ang doctor na nagsabing buntis ako, nagsimula ring mag-iba ang pakikitungo sa'kin ni Riu. Mas bumait siya at mas naging gentle pagdating sa'kin. 'Yong mga bagay na trabaho ko sa condo unit niya ay siya na mismo ang gumagawa.
"Daphne! Ako na sabi d'yan, e." Dali-dali niya akong nilapitan at hinablot sa'kin ang walis tambo.
"Riu, ako na..." Pilit kong inagaw sa kanya pero pilit niya rin itong iniiwas. Kumunot ang noo ko at tumingin sa kanya. "Ano bang problema mo?"
"Wala akong problema. Mahiga ka na lang sa kwarto mo o maupo sa sala. Ako nang bahala rito," ma-awtoridad na sabi niya at tinuro ang pintuan ng kusina.
"I needed to help you. Hindi pwedeng ikaw lagi ang–"
"I don't want your help." He said, cutting me off. His face was full of
