NAGULAT si Sunday Blue nang mapagbuksan niya isang umaga si Jem. Paalis na siya dapat ng unit niya. May sarili nang condominium unit si Sunday Blue na malapit lang sa lugar namin. Kapag may libreng oras siya ay nagtutungo siya sa bahay upang makasama si Tilly. Ngunit dahil nga patuloy ang pag-angat ng kanyang karera at pagdami ng shows, hindi na gaanong madalas ang mga pagbisitang iyon. Minsan ay sina Mommy, Ninang Angela at Bea na lang ang bumibisita. Puno palagi ng pagkain ang ref ni Sunday Blue dahil sa tatlong babae.
“Ano ang ginagawa mo rito?” nagtatakang tanong ni Sunday Blue habang mas niluluwangan ang pagkakabukas ng pintuan upang makatuloy sa loob si Jem.
“Your assistant called in sick. Naisip ko na baka kailanganin mo ng tulong--”
“Kaya kong mag-isa, Jem. Hindi ko kailangan ng
