Amelia. Hindi mo ba ako sasalubungin?
Napatigil sa pagbabasa ng libro si Amelia nang marinig niya sa kanyang isipan ang tinig ng kanyang tiyo. Bigla na lamang siyang dinalahit ng matinding kaba. Bumuntonghininga siya at isinara ang librong hawak.
Maligayang pagbabalik, Tiyo. Bababa na po ako.
Tumayo na siya mula sa kanyang pagkakaupo. Lumapit muna siya sa tokador niya at bahagyang inayos ang suot na bestida. Kulay pula iyon na manipis at wala ring manggas. Litaw na litaw tuloy ang kanyang likas na pagiging mestiza. Gusto ng kanyang tiyo na palagi siyang may maayos na postura. Naglakad na siya papalabas ng kanyang silid hanggang sa makarating siya sa sala. Dumeretso siya sa silid kainan nila dahil doon andoon ang dalawa. Agad niyang nakita ang kanyang tiyo na nakaupo sa pinaka gitnang p
