“Ano itong ginawa mo, Javier?!” pigil ngunit nanggigil na tanong ni Stavros. “Pumatol ka sa isang lobo?!”
Bumuntonghininga si Javier. Na upo siya sa kanyang swivel chair at tinitigan ang kapatid na nanggagalaiti. Nakatayo ito sa harap ng kanyang lamesa rito sa kanyang opisina.
“She is my mate. My beloved. Hindi ko pwedeng ipagsawalang bahala ‘yon.”
Padabog na kinuha ni Stavros ang bote ng alak na nasa lamesa nito at nagsalin sa baso. Saka niya iyon tinungga.
“Isang malaking kalokohan iyan, Javier! Alam mo ang pwedeng mangyari sa ‘yo kapag ipinilit mo ang bagay na iyan!”
“Kuya, buo na ang desisyon ko. Mahal ko si Marissa at magsasama kami.”
Nanlaki ang mga mata ni Stavros. Hinampas niya ang lamesa. “Hindi ako papayag! Hindi ko hahayaan na ipahamak mo ang sarili mo, lalo na ang p
