Paano ko sasabihin sa kanya na kapag malaman ng lahat na isa siyang Cortez ay mamatay siya?
Pauulit-ulit na naririnig ni Amelia sa kanyang isipan ang sinabi ng kanyang tiyo. Para siyang pinagsakluban ng langit at lupa dahil sa sinabi nito. Kinumpirma ng mga kataga nito na hindi talaga siya nararapat na mabuhay. Naglakad siya papunta sa bintana at tumingin sa labas. Kanina pa niya pinipigilan ang kanyang mga luha ngunit bigo siya. Sunod-sunod na tumulo ang kanyang mga luha.
“Bakit parang isang malaking pagkakamali na naging Cortez ako? Ano ba ang ginawa ko? Wala naman, ah.”
“Amelia.”
Halos mapalundag na si Amelia sa gulat nang marinig niya ang tinig ni Maxine mula sa kanyang likuran. Sa labis na pag-iisip ay hindi na niya napansin ang pagpanik nito. Mabilis niyang pinunasan ang kanya
