Kasalukuyan akong naglilinis sa second floor nang makarinig ako ng sunod-sunod na doorbell. Alerto akong naglakad palabas ng kwartong nililinis ko saka sumilip sa bintana.
Mula sa kinalalagyan ko ay natanaw ko ang isang babae. Mahaba ang buhok niya, medyo maputi at kaswal lang naman ang suot nito.
Habang pababa ako ay nakasabay ko si Cedrick na mukhang nagmamadali pa sa paglalakad. Muntik pa nga itong matisod sa hagdan at kung hindi ko pa siya nahawakan ay baka sumalubsob na ito sa baba.
“May bisita ka, Sir Cedrick?” Patay-malisya kong tanong.
“Yes…” Iyon lang ang sinabi niya saka naglakad palabas. Siyempre ay sumunod ako sa kanya. Mahirap na, mamaya ay hindi naman pala ang babaeng iyon ang ineexpect niyang bisita. Mamaya ay agent iyon sa kabilang mga kumpanya kaya nama
