Malalaki ang ngiti ko habang nagluluto ng almusal kinabukasan. Unti-unti ko nang nakakasanayan na nandito si Cedrick sa tuwing gumagalaw ako sa kusina. Hindi ko alam kung bakit binabantayan niya ako samantalang wala naman siyang makikita sa ginagawa ko.
“Sir Cedrick!” Narinig ko ang malalim na paghinga nito. Napangisi ako. Hindi pa man ako nagsisimulang mangulit ay parang naii-stress na siya agad sa akin.
“What is it this time, Aira? Ang aga-aga ang taas ng energy mo.” Mahinahong sabi nito.
“Bakit ba ayaw mong pumayag na i-kiss kita? Hindi naman mabaho hininga ko ha?” Nakita ko ang pag-iling niya.
Naalala ko ang ginawa niya sa aking kahapon pagkatapos ko by mag-request ng kiss sa kanya. Tumawa siya ng pagkalakas-lakas niyon at lumayo sa akin. Pinagpatuloy niya ang pagpa
