Napakamot na lang ng ulo si Harris habang iniisip ang mga maloloko niyang mga kaibigan. Katatapos lang ng klase niya ngunit naunang natapos sa gawain ang dalawa. Habang naglalakad, natatawa na lamang siya sa isiping nakaganti siya agad sa kalokohang ginawa nila Edward at Dreyfus sa kaniya.
Habang naglalakad papunta sa silid na tulugan nila, hindi niya sinasadyang nakabangga… ang batang babaeng nakakuha ng kaniyang atensyon.
“Ahhh,” bulalas ng babae nang mapaupo ito sa sahig.
Nagulat si Harris nang makita si Aurora. Nakaramdam siya ng kaba ngunit pinilit niyang ikalma ang sarili at hindi ipahalata ito sa kaniya.
“Pasensya na, okay ka lang b—”
Napahinto sa pagsasalita si Harris nang tapikin ni Aurora ang kaniyang kamay na inilahad para sana alalayan siyang tumayo. Tila walang pakealam s
