"PAULA, gusto mo ng kape?" tanong ni Brielle sa ka-trabahong si Paula nang balingan niya ito pagkatapos niyang tumayo mula sa pagkakaupo niya.
Napansin naman niyang inalis ni Paula ang atensiyon sa harap ng computer nito at nag-angat ito ng tingin patungo sa kanya.
"Magtitimpla ka ng kape?" tanong naman nito.
Tumango naman siya bilang sagot. "Oo. Isasabay na kita kung gusto mo," sabi naman niya dito.
"Sige. Thanks, Brielle," wika naman nito sa kanya.
"Okay," sabi naman niya. Pagkatapos niyon ay humakbang na siya patungo sa pantry nila.
Kumuha naman siya ng dalawang baso. At kumuha na din siya ng dalawang 3 in 1 coffee na titimplahin niya. At ibinuhos niya iyon sa dalawang baso. In-on na din niya ang hot water sa despenser.
At nang sa tingin niya ay uminit na ang tubig ay kinu
