Nauna siyang bumangon kay Bianca.
Halos buong gabi siyang hindi nakatulog. Katabi niya ang asawa at ni hindi niya ito mahawakan. Buti pa nga ito, nakatulog. Samantalang siya, buong gabi yata siyang dilat. Nagawa pa nga niyang pagmasdan ang napakagandang asawa.
Hindi pa nangyayari ang honeymoon nila dahil hinimatay ang asawa sa pagod at stress. Paniguradong siya ang may gawa.
Nakaramdam din siya ng awa sa asawa, lalo na nang makita niya itong umiiyak. Wala siyang ibang nais kundi protektahan si Bianca. Ilayo ito sa dating gawain at imumulat sa tamang landas.
Wala siyang pakialam kung ano ang nakaraan ng asawa. Basta iisa lang ang nasa isip niya: protektahan ito mula ngayon. Wala namang ibang gagawa ng bagay na 'yon para rito, kundi siya.
Lumabas siya para mag-jogging. Kailangan ni
